Bütün yenilikləri Facebook səhifənizdə izləyin. Yalnız "Bəyənirəm" edin.

13:54 - 18.08.2019  
İlham Əliyevin əfv sərəncamı müsbət qarşılanıb
Tarix: 18-03-2017, 09:45 | Bölmə: Xəbərlər » Ölkə içi

Səadət Bənanyarlı: "Sərəncamı yüksək qiymətləndiririk”; Sərdar Cəlaloğlu: "İstənilən halda əfv mütərəqqi, humanist bir addımdır, ancaq...”

Martın 16-da prezident İlham Əliyev məhkum edilmiş bir sıra şəxslərin əfv olunması haqqında sərəncam imzaladı. Sərəncama əsasən azadlıqdan məhrum etmə cəzasına məhkum olunmuş 412 nəfər cəzasının çəkilməmiş hissəsindən azad edildi. Bundan başqa, 2 məhkumun ömürlük cəzası müddətli cəza ilə əvəzlənib.

Omlardan birinə, "Hacı Məmmədovun bandası” işi üzrə, DİN-in sabiq idarə rəisi Zakir Nasirovun cəzası 15 il azadlıqdan məhrumetmə ilə əvəz olunub. Daha bir nəfər icrası təxir olunmuş cəzadan azad olunub. 8 nəfər azadlıqdan məhrumetmə ilə əlaqəli olmayan cəzadan azad edilib. Həmçinin azadlıqdan məhrumetmə cəzasına şərti olaraq məhkum edilmiş dörd nəfər cəzadan azad olunub. Bir nəfər islah işləri cəzasından, üç nəfər isə cərimə cəzasından azad edilib.

Əfv olunanların siyahısında blogger Əbdül Əbilov, AXCP fəalı Elvin Abdullazadə, "Azadlıq” qəzetinin redaktoru Qənimət Zahidin qohumları Rüfət və Rövşən Zahidovlar da var. "Meydan” TV-nin rəhbəri Emin Millinin qaynı Nazim Ağabəyov şərti cəzadan azad edilib. Əfv olunanlar arasında 19 xarici vətəndaş da var. Onlar İran, Pakistan, RF, Çin, Nigeriya, Türkiyə və Ukrayna təbəələridir.

Lakin REAL sədri İlqar Məmmədovun, Nida üzvü İlkin Rüstəmzadənin, AXCP üzvləri Seymur Həzi və Məmməd İbrahimin də azad olunacağı gözlənilsə də, bu, baş vermədi.

İnsan Haqları üzrə Birgə İşçi Qrupunun üzvü hüquq müdafiəçisi Səadət Bənənyarlı "Yeni Müsavat”a açıqlamasında əfv sərəncamını müsbət qiymətləndirdi: "Hər halda bilirdik ki, siyahımızdan 4-5 nəfərdən artıq şəxs azadlığa buraxılmayacaq. Ancaq çox ümid edirdik ki, bizim siyahımızdakı cəmiyyəti maraqlandıran digər ictimai şəxslər də əfv olunarlar. Təəssüf ki, bu, baş tutmadı. Lakin onlarla, yüzlərlə insanın azadlığa çıxması, öz ailələrinə qovuşmaları çox müsbət haldır. Biz yenə də öz işimizi davam edəcəyik və digərlərinin də azad olunmasına çalışacağıq”.

İlham Əliyevin əfv sərəncamı müsbət qarşılanıb

Hüquq müdafiəçisinin sözlərinə görə, xüsusilə də İlqar Məmmədov, Əli İnsanovun azad olunmasını istərdilər: "Əli Həsənov artıq neçə ildir ki, həbsdədir. Onun işini nəzarətdə saxlayırıq. İstəyirəm ki, Əli İnsanovla bağlı məhkəmənin qərarı obyektiv olsun və bu insan azadlığa çıxsın. Bundan əlavə bizim siyahımızda Seymur Həzi və digərləri də var. Hər halda, siyasi motivlərlə həbs olunmaların qarşısının alınması bizim marağımızdadır. O cümlədən Qiyas İbrahimov və Bayram Məmmədovu da diqqətdən kənarda saxlamaq istəməzdim. Doğrudur, bu şəxslərin etdikləri xuliqanlıqdır və ancaq verilən cəza da həddən artıq sərtdir. Ona görə də bu şəxslərin azadlığa çıxmaları bizim üçün çox vacibdir”.

İlham Əliyevin əfv sərəncamı müsbət qarşılanıb

ADP sədri Sərdar Cəlaloğlu isə hesab edir ki, dəyişən heç nə yoxdur: "Əfv istənilən halda mütərəqqi, humanist bir addımdır. Cəmiyyətdə həmrəyliyin möhkəmlənməsinə, qarşıdurmanın zəifləməsinə xidmət edir. Ancaq məsələyə problemin həlli baxımdan yanaşsaq qeyd edim ki, bu, həll demək deyil. Bu gün kimlərsə əfv olunur, ancaq sabah yenə də qeyri-qanuni olaraq digərləri həbs olunacaq. 30 ildir ki, Azərbaycanda siyasi məhbusların, qeyri-qanuni həbslərin həcmi sabit qalır. Ona görə də Azərbaycan insan hüquq və azadlıqlarının vəziyyətinə görə beynəlxalq siyahılarda hər zaman axırıncı yerlərdə olur. Ölkədə də vətəndaş həmrəyliyi yoxdur. Bu vəziyyət dəyişməyənə qədər əfvlərin, amnistiyaların cəmiyyəti irəli aparan heç bir gücü olmayacaq. Xeyli sayda insan var ki, siyasi motivlərlə həbs olunub və bu gün də həbsxanadadır. Özüm həbs olunmuş, işgəncələrə məruz qalmış adam kimi, Azərbaycan hüquq-mühafizə orqanlarının istintaq işinin mahiyyətini çox yaxşı bilirəm. Azərbaycanda müstəqil məhkəmə olmadığı, hakimlər hüquqi baxımdan savadsız olduqları üçün heç zaman məhkəmə hökmünə bəraət qazandırmaq və onu düz qəbul etmək olmaz. Bu da onu göstərir ki, əfv sərəncamı verilməsi ilə yanaşı, həm də hüquq-məhkəmə sisteminin islahatlar aparılaraq, təkminləşdirilməsi lazımdır. Çox təəssüf ki, bu kimi islahatlar baş vermir. Parlamentin qəbul etdiyi qanunlar Azərbaycanı sivil dünyadan uzaqlaşdırıb orta əsrlərə aparır. Mövcud qanunla göstərir ki, Azərbaycanda insanların hüquq və azadlıqları məhduddur. Hətta bu qanunlar belə icra prosesi zamanı pozulur. Bu baxımdan hesab edirəm ki, əfv sərəncamını azadlığa çıxanların ailələrinə qovuşması və digər bu kimi hallar baxımından müsbət qiymətləndirsəm də, düşünürəm ki, bunun heç bir siyasi nəticəsi yoxdur. Adicə məişət cinayətlərini belə yoxlasan görərsən ki, onların da böyük əksəriyyətinə Cinayət Prosessual Məcəlləyə uyğun hökmlər çıxarılmayıb”.

İlham Əliyevin əfv sərəncamı müsbət qarşılanıb

Əfv komissiyasının üzvü Əliməmməd Nuriyev isə bildirib ki, verilən əfv sərəncamını olduqca müsbət qiymətləndirir: "Cənab prezident mərhəmət prinsiplərinə söykənərək humanizm nümayiş etdirdi. Bu müstəqillik əldə etdikdən bu günə qədər verilmiş sayca 62-ci əfv sərəncamı idi. 2003-2017-ci illər arasında 4 minə yaxın məhkum, cənab prezidentin sərəncamı ilə azadlığa çıxıb. Bu, çox əhəmiyyətli bir rəqəmdir. Eyni zamanda hesab edirəm ki, Azərbaycanda cəzanın humanistləşdirilməsini nümayiş etdirən iradənin ifadəsidir. Son sərəncamı da bu qəbildən hesab etmək lazımdır. Xüsusilə də ölkə başçısının 10 fevralda imzaladığı ”Penitensiar sahədə fəaliyyətin təkmilləşdirilməsi, cəza siyasətinin humanistləşdirilməsi və cəmiyyətdən təcridetmə ilə əlaqədar olmayan alternativ cəza və prosessual məcburiyyət tədbirlərinin tətbiqinin genişləndirilməsi barədə" sərəncamı məhkəmə və hüquq islahatlarının aparılmasının mühüm bir istiqamətidir. Onu da qeyd edim ki, bu gün (dünən-red.) çox qısa bir müddətdə əfv sərəncamının icrası tam başa çatdırıldı. Bu, Penitensiar Xidmətin rəhbərliyinin peşəkarlığını göstərir. Son zamanlar aparılan işlər Azərbaycanda məhkəmə-hüquq islahatlarının daha da dərinləşməsinin göstəricisidir. Cəza çəkmə müəssisələrinin maddi-texniki bazasının yaxşılaşdırılması, yenilərinin tikilməsi bütövlükdə həm də Azərbaycan vətəndaşına verilən qiymətdir. Güman edirəm ki, bu gün azadlığa çıxan şəxslər bunun dəyərini düzgün qiymətləndirəcəklər".

Ə.Nuriyevə görə, bu vaxta qədər əfv sərəncamı ilə azadlığa çıxanların 99 faizi bir daha yenidən cinayət törətməyib: "Bu da onu göstərir ki, barəsində əfv qərarı çıxarılan şəxslər doğru-düzgün seçilir. Cənab prezidentin bu sərəncamı azad olunanların özlərinə, ailələrinə bayram hədiyyəsi olmaqla yanaşı, cəmiyyətimiz üçün də bir mesajdır ki, biz hər bir vətəndaşımıza dəyər veririk. Ona yenidən cəmiyyətin tam bir üzvü olması üçün şanslar veririk. Sərəncam onu da göstərdi ki, cənab prezident QHT-lərin, ombudsmanın, insan hüquqları müdafiəçilərinin müraciətlərinə də çox diqqətlə yanaşıb. Bu proses davamedici bir prosesdir. İnanıram ki, bundan sonra qanunvericilik daha da təkminləşdiriləcək və eyni zamanda amnistiya, əfv kimi institutların tətbiqi də bütövlükdə prosesin fasiləsiz xarakter almasının göstəricisidir”.

 

Əli RAİS

Xəbər 2864 dəfə oxunub






Oxşar xəbərlər

Sərkar bələdiyyəsi torpaqları "EMMA"-ya necə satıb? - ŞİKAYƏT
Vilayət Eyvazovdan yeni təyinatlar
ABŞ-a məxsus PUA Rusiya sərhədlərinə gəldi
“Paşinyan Ermənistanı müharibəyə sürükləyir...”
Nyu-Yorkda təyyarə yaşayış evinin üstünə düşüb
Rəsulzadə gəmisi ilə bağlı qalmaqal davam edir
Putin hakimiyyətini itirir? - ŞƏRH
Əvəz Zeynallı və Vüqar Məmmədov media barədə
ADAU-da yay semestrinin imtahanları keçirilir
Qadınların pir bilib, bez bağladığı ziyarətgah qladiatorun qəbri imiş
Dövlət Yol Polisi ləğv edilir? – AÇIQLAMA
Fazil Mustafa: “FETO-çu olan namussuzdur, nakişidir!”
Xaçmaz polisi naməlum qadın aşkar edib
Rəsulzadənin adını daşıyan "GƏMİ OLAYI" böyüyür - Qəsd yoxsa təsadüf ?
Meksika sahillərində güclü zəlzələ qeydə alınıb
Tramp "Twitter"dən Çin liderinə görüş təklif edib
Əli Həziquliyev müxalifətin "payız planı"ndan yazdı
Azərbaycan manatının dövriyyəyə buraxılmasından 27 il keçir
Elçin Alıoğlu medianın aqibətindən danışdı - VİDEO
"Çaşıoğlu" nəşriyyatı cərimələnib
“Stalin mükafatı” – rəhbər öləndən sonra Xruşov onu ləğv edib
Qurban Məmmədov Əli Kərimliyə və Sevinc Osmanqızına elə sözlər dedi ki… - VİDEO
“Qarabağ” – APOEL oyununda insident baş verib
DİN NAZİRİ OLİQARX-POLKOVNİKİ İŞDƏN QOVDU!
Fuad Əliyev Əhməd Orucun yalanını üzə çıxardı - VİDEO
Dünya iqtisadiyyatı təhlükəli fazada: Azərbaycan nə etsin?
Bakıda motosiklet sürmək qadağandır? - DYP niyə reyd keçirir?
Rusiya Təhlükəsizlik Şurasının katibi Paşinyanla görüşüb
Putin "Qəbələ"nin sabiq baş məşqçisini təltif edib
Pedofil milyarder - “Epşteyn işi” Böyük Britaniya krallığını qarışdırdı
Şoumen müxbirin Göygöl Məhkəməsində RƏZİL çıxışı - Səsyazı - "..məni burda döyəcəklər!"
Zakir Həsənov hərbi hospitalın açılışında olub
"Binə" ticarət mərkəzində yanğın olub
ABŞ Türkiyəyə təzyiqi davam etdirsə, itirəcək - Baçev
Mənsimova paxıılığın yeni ucuz ŞOUSU - möhtəkirlik?!
Erməni mediası döyüş postundan qaçan əsgərdən yazdı - (FOTO)
Masallıda yol polisini bıçaqlayıb “X5”-lə qaçdılar (FOTO)
ABŞ-ın ən yaxşı xüsusi təyinatlı hərbçilərindən biri İraqda öldürülüb
Ebola virusuna qarşı 2 effektiv preparat hazırlanıb
Saxta möhürlərdə AXCP və Müsavat izi “Mir Şahinin vaxtı”nda üzə çıxdı - VİDEO
Alimlər 500 yaşlı köpəkbalığı tapdılar
Boliviyada avtobus qəzaya uğrayıb, 11 nəfər ölüb
Ronaldu Zidan haqqında xatirələrini bölüşüb
Qurban bayramı ilə əlaqədar Azərbaycanın məscidlərində bayram namazı qılınır
KXDR yeni növ raket sınağı barədə məlumat yayıb
ETSN: Dənizdə dalğanın hündürlüyü 6 metrə çatıb
Aydın Canıyev: “Azərbaycanda 80 min adam Rusiya Xüsusi Xidmət orqanlarından maaş alır”
Məktəbəqədər təhsilin yeni dövlət standartı təsdiqlənib
AMEA işçilərinin maaşları artırılıb
İkram Rəhimov aclıq edir - O karserə salınıb
Azərbaycanlı jurnalistin Ermənistana səfərindən VİDEOREPORTAJLAR
Gəncə işində 4 nəfər buraxılıb
Şirvanlı sahibkar “Məişət Maye Qaz” QSC-dən şikayətçidir - VİDEOMÜRACİƏT
ADAU-nun tələbələri Kənd Təsərrüfatı Nazirliyində TƏCRÜBƏDƏ
Peşə təhsilindən və Amil Əlilidən ŞOK ŞİKAYƏT - Peşə təhsili müəssisələrində NƏZARƏTSİZLİK ?
Şəki sakini hərbi təqaüd istəyir - MÜRACİƏT
BDU-nun müəllimi oğlunu işə düzəltmək üçün 50 min rüşvət verib – TƏFƏRRÜAT
Azərbaycandan Türkiyəyə qadın “ixrac edən” şirkətlər
Bank sektorunda təhlükəli qayıdış: Baş bankir nədən narahatdır?
Saxta "jurnalistlər" liseyə hücum çəkdi, direktoru söyüb “xox” gəldilər – Gəncədə KURYOZ OLAY
“Youtube müxalifəti”nin inqilab çağırışlarına Bakı müxalifətindən reaksiya
ABŞ həyəcan təbili çalır: İŞİD “dirilir”...
Qarabağ üçün Ankara-Moskva tandemi
Xoşqədəm Hidayətqızı sələmçi imiş - Məhkəmə QƏRARI
Açıqlama: “Yenidən güclü külək gözlənilir”
İlham Əliyev sərəncam imzaladı
Almazbek Atambayevin tərəfdarları artır
GƏDƏBƏYİN SABİQ BAŞÇISINA CİNAYƏT İŞİ AÇILIB
“Azəriqaz” İB-də kadr dəyişikliyi olub
Dolların avqustun 14-nə olan məzənnəsi açıqlanıb

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Avqust 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.11204] initstartout [0.00012] initstartin [0.00054] calstart [0.00621] calend [0.00037] topnewsend [0.00251] rsssend [0.00000] ehgend [0.00662] tagsstart [0.00104] tag-initendin [0.00000] initendout [0.00001] weathend [0.00000] end [0.09461]