Bütün yenilikləri Facebook səhifənizdə izləyin. Yalnız "Bəyənirəm" edin.

16:49 - 20.11.2019  
ABŞ həyəcan təbili çalır: İŞİD “dirilir”...
Tarix: 10-08-2019, 09:30 | Bölmə: Xəbərlər » Müsahibə

Ekspert: "Pentaqonun həyəcan təbili çalmasını təsadüfi saymıram”

ABŞ həyəcan təbili çalır: İŞİD “dirilir”...ABŞ Müdafiə Nazirliyi-Pentaqon İraq Şam İslam Dövləti (İŞİD) terror təşkilatının Suriyada "yenidən dirçəlməsi” barədə xəbərdarlıq edib. BBC xəbər verir ki, Pentaqonun Başmüfəttişi tərəfindən ABŞ Konqresi üçün hazırlanan məruzədə Amerika əsgərlərinin Suriyadan çıxması prosesinin başlaması ilə terror təşkilatının ölkədə yenidən fəaliyyətə keçdiyi bildirilir.

Məruzədə İŞİD-in Suriyadakı paytaxtı hesab olunan Raqqanı itirməsinə baxmayaraq, bu ölkədə və İraqda yerli hakimiyyətin zəifliyindən istifadə etməyə başladığı bildirilib. Həmçinin təşkilatın İraqda təxribatlar törətmək üçün bazasını da gücləndirdiyi qeyd olunub.

ABŞ artıq terrorçuların toplanma mərkəzlərini öyrənməyin və müttəfiqlərinə bu barədə məlumat verməyin də çətinləşdiyini açıqlayıb.

Ekspertlərin bu məruzə ilə bağlı mövqeləri birmənalı deyil. Məlumata inananlar da, İŞİD-in "dirilməsi”nin inandırıcı olmadığını dilə gətirənlər də var. Amerikanın o bölgədən hərbi qüvvələrini çıxarmamaq üçün belə bir xəbərdarlıq məruzəsi hazırladığını düşünənlər də az deyil.

Politoloq Əhəd Məmmədli Pentaqonun belə qənaətə gəlməsini Suriya və İraqda mövqelərini itirməkdən qorxması ilə əlaqələndirir: "Türkiyənin İraq və Suriyada güclənməsi Pentaqonu çox narahat edir. Ona görə əvvəl ”Əl-Qaidə" ilə bağlı məlumat verdilər, guya sən demə, bu təşkilat dirçəlir və Amerika bundan çox narahatdır. Buna bənzər məlumatı indi də İŞİD-lə bağlı verirlər. Bütün bunlar ona görə verilir ki, görünür, Amerika bölgədə zəifləmiş mövqelərini tezliklə qaytarmaq fikrindədir. Türkiyənin Suriyada gözlənilən növbəti antiterror əməliyyatı bunları çox narahat edir. Türkiyənin Suriya daxilinə irəliləməsinin qarşısını almaq istiqamətində ABŞ, İsrail "Əl-Qaidə”ni, İŞİD-i, Hizbullahı belə dirçəldər. Hazırda məsələ qardaş Türkiyənin qarşısını almaqdır, qalanı təfərrüatdır. Nə "Əl-Qaidə”nin, nə də İŞİD-in dirçəlməsinin rüşeymlərini görmürəm. Bu iki təşkilat da məhvə doğru getmək üzrə idi. Sadəcə, sahibləri onları dirçəltmək istəyirlər. "Əl-Qaidə”, İŞİD kimi təşkilatlar qara işlər görmək üçün qurulublar. Və bu qara işləri təmizləmək də guya Amerikanın məsuliyyət borcudur. İlk öncə dava ideoloji davadır və bu davada dünya demokratiyası İŞİD kimi maşalardan məharətlə istifadə edir".

Politoloq onu da qeyd etdi ki, ABŞ Suriyadan çıxmamaq üçün hər bir varianta əl atacaq: "ABŞ ehtiyac yaransa, ”Əl-Qaidə"ni, İŞİD-i, Qırmızı Briqadaları da yenidən dirçəldəcək. Tarix boyu bu cür terror təşkilatları həmişə böyük dövlətlərin məqsədlərinə çatmaq üçün əlində maşa olublar. Məsələn, PKK terror təşkilatı Türkiyəyə qarşı əvvəl SSRİ-nin, indi də ABŞ, İsrail, Almaniyanın əlində maşadır. Hər bir tanınan terror qruplaşmasının daxilinə müxtəlif ölkələrin xüsusi xidmət orqanlarının üzvləri yerləşdirilir. Elə vəziyyət yaranır ki, terror qruplaşmalarının daxilində müxtəlif dövlətlərin nüfuz davası gedir. Terror qruplaşmaları da balaca ölkə kimidirlər. Terror təşkilatlarında da üçüncü dünya ölkələrində olduğu kimi daha böyük dövlətlərin nüfuz davası gedir. Misal kimi PKK-nı göstərə bilərik. Bu terror təşkilatında Rusiya, ABŞ, İsrail, Almaniya, Britaniya, İran, Fransa, hətta İtaliyanın agentura şəbəkəsi var. Həmçinin Türkiyənin xüsusi xidmət orqanlarının iştirakı da PKK-ya sızdırılıb. Bütün bunlar real dünyamızda baş verən təbii proseslərdir. Hər mövqe uğrunda böyük güclər, dövlətlərin gizli və açıq savaşı gedir. Nəinki İraq, Amerika harada istəsə, İŞİD orada terror aktları həyata keçirə bilər. Bütün bunlar Amerika, İsrailin istəyinə bağlıdır. Yuxarıda qeyd etdiyim kimi, İŞİD etibarlı əllərdə yalnız maşadır. Səddam Hüseyn devriləndən sonra İraq güclü dövlət mahiyyətini itirib oyuncaq ölkəyə çevrilib. Bütün bunlar Amerikanın sayəsində baş verdi. İndi Vaşinqtonun durub İraq yerli hakimiyyətinin zəifliyindən danışması ironiyadan başqa bir şey deyil. Zatən yerli hakimiyyət güclü olsaydı, nəinki İŞİD, ABŞ-ın İraqda heç bir işi olmayacaqdı. Görünür, ABŞ Yaxın Şərqdə zəifləmiş, itirilmiş mövqelərini yenidən gücləndirmək, qaytarmaq üçün dövriyyəyə girmək istəyir. Pentaqonun əvvəl artıq unudulmaqda olan "Əl-Qaidə”, sonra bitməkdə olan İŞİD-in adını çəkib guya həyəcan təbili çalmasını təsadüfi saymıram. Bütün bunlar onu deməyə əsas verir ki, Suriya və İraqda şiddət daha da qızışa bilər. Bu da bəhanə kimi Amerikanın həmin ölkələrdə siyasi-iqtisadi-hərbi mövcudluğunu daha da gücləndirə bilər. İraqda deyə bilmərəm, Suriyada Amerikanın daha da güclənib üstünlüyü ələ almasını artıq mümkünsüz hesab edirəm. Türkiyə-İran-Rusiya üçlüyü Amerikaya Suriyada revanş almağa çətin ki, imkan versin. Amerika Suriyada revanşı Türkiyə və ya İranı özünə tərəf çəkməklə ala bilər. Daha doğrusu, Türkiyəni özünə tərəf çəkməklə Suriyada ABŞ irəliləyə bilər. Buna görə də ABŞ gərək PKK-nı Suriya və İraqda qurban versin. ABŞ bir əlində iki qarpız tutmaqla hərəkət etmək istəyir. Daha qəbul etmək istəmir ki, o vaxtkı gücündə deyil. İraqda ən güclü İranla Amerikadır. İraq İranla ABŞ-ın savaş, haqq-hesab çürütmək meydanına çevrilə bilər. Zatən İraqda mütəmadi olaraq İrana qarşı üsyanlar qalxır. Bu yaxınlarda Cənubi İraqın paytaxtı Bəsrə şəhərində İran konsulluğunun yandırılmasını xatırlaya bilərik. İraqı işğal edən Amerika, bu ölkəyə sahiblənən isə İran oldu. İraqda Amerika tərəfindən İŞİD, İran tərəfindən isə Haşdi-Şabi kimi terror təşkilatlarının lokal səviyyədə müharibəsinin şahidi olsaq təəccüblənmərəm".

Beynəlxalq münasibətlər üzrə şərhçi Əziz Əlibəyli Pentaqonun məruzəsini inandırıcı saymır: "ABŞ-a bölgədə qalmaq lazımdır. Amma ABŞ-dan İŞİD və Suriya ilə bağlı səslənən bəyanatlar ciddi deyil. Birincisi, ona görə ki, İŞİD özlərinin layihəsi idi. Rolunu oynadı və ABŞ bölgədədir. İkincisi, bölgədə İran və Rusiyanın ”qızıl üstündə" - neft qurşağının üstündə yatdığı, dünyanın ən vacib geostrateji məkanında olduğu bir vaxtda ABŞ hara gedə bilər ki? İŞİD-lə bağlı ilk mərhələ başa çatdı, bölgələr təsir altına düşdü, amma hesablaşmalar bitmədi. Çünki Suriyada hakimiyyətdə Əsəd qaldı, Rusiya, İran gücləndi, PKK dövlət qura bilmədi və s. Bu baxımdan İŞİD-in ikinci zühuruna ehtiyac varsa, qısa müddətdə onu da görəcəyik. Düşünürəm ki, ABŞ bölgədə qalacaq, özü də İŞİD-i gücləndirərək. Çünki İŞİD bəhanədir, Suriyada dünyanın bölünməsini bitirə bilmədilər".

Cavanşir ABBASLI,

Xəbər 1084 dəfə oxunub






Oxşar xəbərlər

Bakıda gəlin maşını yandı - VİDEO
ADAU-da əcnəbi tələbələrlə görüş keçirilib
Aralıq qiymətləndirmə davam edir
Prokuror naxçıvanlı iş adamını güllələyən "Hozu"ya cəza istədi
Prezident iki icra başçısının yerlərini dəyişdi
ADAU qarışdı! İbrahim Cəfərov Ağdam qaçqınına hücum çəkdi - NİYƏSİ
"SSRİ-də rusları niyə sevmirdilər... "- Pozner
Qarakənd faciəsindən 28 il ötür
Eldar Əzizov Abutalıbovun korrupsiya yuvasının “işığı”nı söndürdü
Sumqayıtda 70 illik yubiley coşqusu - FOTOLAR
Erməni tərəfi atəşkəs rejimini 23 dəfə pozub
“Space TV”dən Elçin Əlibəyli ilə bağlı – AÇIQLAMA
Ziya Məmmədovla Səfər Əbiyevi nə birləşdirir?
İRANDA GƏRGİNLİK! Etirazlara rəhbərlik edənlər edam olunacaq
Sabiq baş nazir Prorektor oldu - TƏYİNAT
Arvadı Elçin Əlibəylini döyüb xəstəxanalıq edib?
İsgəndər Həmidov siyasətdən getdi
Hicran Hüseynova Ağdama vertolyotla endi - NONSENS
"Baklift"in sabiq rəisi barəsində cinayət işi başlanıb
İsveç "WikiLeaks"in qurucusu ilə bağlı istintaqı dayandırır
Xəzər dənizində batan şəxsin meyiti tapılıb
Batan başqan Hacılının “Yeni Müsavat”a ittihamı...
Baş nazir Ayaz Mirzəyevi işdən çıxardı
Rafael Hüseynov: “Diaspor yox, diaspora yazılmalıdır”
Əliyev və Ərdoğan İpsalada “Biz hazırıq” mesajı verəcək
Prezident Pirşağı dəmir yolu stansiyasının açılışında iştirak edib- FOTOLAR
Akif Çovdarovla bağlı ilginc iddia - məktub
Ermənilər Rusiyada etiraza qalxdılar – Rusiyaya qarşı!..
"Özgün Yapı A.Ş" yolları keyfiyyətsiz materiallardan çəkir? - Foto - Video
Əlövsət Əliyevin barəsində həbs qərarı - oğlu danışdı
Sarkisyan aprel döyüşləri ilə bağlı ifadə verəcək
Agentlik rəhbərinin cinayət işi məhkəməyə göndərildi
Əhmədzadənin 26 illik xanədanlığına son qoyulur - DAHA İKİ QURUM BİRLƏŞİR
Plyonka ilə bağlı tapşırıq!
Prezident İlham Əliyev Vasif Talıbovu qəbul edib - FOTO,VİDEO
ADAU-nun prorektoru Varşavada mühazirə söyləyib
Gəncə İHB-nin Avtonəqliyyat və sərnişindaşıma idarəsinin fəaliyyətsizliyindən - ŞİKAYƏT
Şəkidə oğurluq edən şəxslər saxlanılıb
Göygölün "dımbılı cuvar"ı "ÖLÜM İŞİ"ndən necə sıyrılıb? - ŞOK FAKTLAR
Rusiya ilə heç vaxt bu ittifaqı qurmayacağam - Lukaşenko
Atatürkün oxşarları mübahisə etdi: “Ən çox mən oxşayıram...”
Narkotik satmaq istəyən Şəkiyə gəlsin: MÜƏMMA
Əziz Əzizov bacıoğlusunu da Suraxanı İHB-yə apardı
Əli Həsənov yenə Əli Kərimlidən yazdı
Paşinyan da narkomandır? – Qəribə görüntülər yayıldı – (VİDEO)
Ölkənin çaylarında sululuq səviyyəsi dəyişdi
Mehriban Əliyeva Milli Dirçəliş Günü münasibətilə xalqı təbrik edib
17 Noyabr Milli Dirçəliş Günüdür!
Gürcüstan parlamentinin qarşısında növbəti aksiya
Mandatı təhvil ver, İqbal Məmmədov! - MƏKTUB
ABŞ Prezidenti Böyük Britaniyaya səfər edəcək
Nazir yeni rəis təyin etdi
Polis Akademiyasının kursantları bilik yarışına qatılıb
Abşeronda qəza: laboratoriya müdiri öldü
Gəncədə həyat yoldaşını qətlə yetirən şəxs saxlanıldı
“Prezident idarəçilik sisteminə yenilik gətirdi” - DEPUTATLARIN FİKİRLƏRİ
Natiq Cəfərli: “Ən ciddi korrupsiya büdcə vəsaitləri ilə bağlıdır”
Bu şəxslərə hər saat üçün 15 manat ödəniləcək - QƏRAR
Azərbaycanın yeni ombudsmanı kim olsun?
Almaniyada “mühacir alveri” əməliyyatı böyüyür - şok faktlar, ittihamlar...
Rəfail Piriyev deportasiya ediləcək
Gələn il ailə xərclərimiz artacaq – iki səbəb
"Türk Hava Yolları" 29 il əvvəl təyyarədə doğulmuş şəxsi işə götürüb
Yerevanda Rusiya səfirliyi qarşısında ETİRAZ
Prezident Bilal Əliyevə mənzil bağışladı
"YOL VERİN, QUDAM GƏLİR" - Azərbaycanda quda olan məmurlar - SİYAHI
Mühacir qalmaqalı Arif Hacılı ilə Mir Şahin Ağayevi üz-üzə qoydu - QALMAQAL
ADAU-da tələbələrə karyera planlamasına dair seminar keçirilib
“Fədayəyə oxumağı mən öyrətmişəm, nə danışdığını bilmir” – Tacir – VİDEO
Azərbaycanda istilik mövsümünə start verilir

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Noyabr 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.73778] initstartout [0.00027] initstartin [0.00139] calstart [0.03064] calend [0.00093] topnewsend [0.00849] rsssend [0.00000] ehgend [0.04357] tagsstart [0.00093] tag-initendin [0.00000] initendout [0.00001] weathend [0.00000] end [0.65150]