Bütün yenilikləri Facebook səhifənizdə izləyin. Yalnız "Bəyənirəm" edin.

13:16 - 20.10.2019  
“Süleyman Dəmirəl dedi ki, sənə 20 min dollar verəcəyəm...” - Ramiz Əsgər
Tarix: 25-10-2017, 08:38 | Bölmə: Xəbərlər » Müsahibə

Demokratik.Az Ramiz Əsgərin Teleqraf.com-a  müsahibəsini təqdim edir.

“Süleyman Dəmirəl dedi ki, sənə 20 min dollar verəcəyəm...” - Ramiz Əsgər– Ramiz müəllim, səhv eləmirəmsə, 64 yaşınız var.

– Bəli, elədir.

– Elə insanlar var ki, peyğəmbər qədər yaşamaq istəyirlər. Deyirlər, sonrası nə ola-ola...

– Şimali Qafqazda doğum gününü ancaq uşaqlar üçün qeyd edirlər. Böyüklər isə yalnız 60-70 yaşında doğum günü qutlayır. Onlar da ya ictimai-siyasi xadim, ya da sənət adamı olmalıdır. Siravi vətəndaşlar bir kərə yubiley keçirər. 63 yaşında böyük bir heyvan – dəvə, yaxud da cöngə kəsər. Camaata qonaqlıq verər. Yubilyara söz verildikdə isə deyər ki, Allah sevimli bəndəsi həzrəti Məhəmmədi 63 il yaşadıb. Mən də bu yaşıma qədər gəlib çıxmışamsa, demək, onun sevimli bəndəsiyəm. Bundan sonra nə yaşasam, qənimətdir...

– Siz də elə düşünürsünüz ki, bundan sonra nə yaşasam, qənimətdir?

– Bəli... Amma bizim nəsildə kişilər 80 il və bir neçə ay yaşayırlar. Mən də buna görə arxayın olmuşam...

– Maraqlıdır, Ramiz Əsgər özünü bu cəmiyyətdə necə hiss edir?

– Çox pis!

– Niyə?

– Ayaqlarımda revmatizm var. Ürəyim sağlamdır, amma şəkərim var. Görünür, çox şirin oğlanam... (gülür)

– Şəkəriniz çox yüksək olur?

– 240, 270 və s. Həyat yoldaşımla birlikdə şəkərimə qarşı mübarizə aparırıq. Yoldaşım dərmanımı gətirməsə, heç yadıma da düşmür. Vaxtım yoxdur.

– Şöhrət ordeni, əməkdar jurnalist adına layiq görülmüsünüz... Xarici ölkələrdə medallar, mükafatlar, təltiflər... Və bu qədər tanınmış, ziyalı, ciddi bir şəxsiyyət metro çıxışlarında, universitet həyətində gəzib-dolaşır... Sizcə, ziyalı beləmi olmalıdır?

– Rusların belə bir atalar sözü var: Xoşbəxtlik pulda deyil, pulun məbləğindədir. Bizə də pul versələr, həyətdə gəzib-dolaşmaq daha xoş olar. Daha dərindən fikirləşərəm, hətta düşünürəm ki, Anar müəllim kimi qəlyan da alıb çəkərəm. Amma düzü, özümü yaxşı hiss etmirəm və mənə elə gəlir ki, bizim nəslimiz haqqında əfsanə gerçək olmayacaq. Nəvələrimin 4-5 yaşı var. Məncə, onların toyunu görməyəcəm. Toylarını görsəm də, universitetə qəbul olduqları günü görə bilməyəcəm...

– Nədir sizi yoran? Elmi işlər, tərcümələr?..

– Hər şey! Hərdən fikirləşirəm ki, kaş bir qaranlıq zirzəmi ola, ora işıq düşməyə və mən sakitcə uzanıb yatam. Gözlərim işığa çox həssasdır, hər gün beş saat yarım yatıram. Oyanan kimi kompüteri açıb tərcüməyə və ya növbəti əsərə başlayıram. Kaş elə imkanım ola, səkkiz, doqquz saat qaranlıq bir otaqda yata biləm...

– Heç yoxdurmu elə bir imkan?

– Təəssüf ki, yoxdur.

– Allah ömrünüzü uzun eləsin və "qaranlıq otaq” dediyiniz yer məzar olmasın...

– Məzar qapalı, havasız yerdir. Mən deyirəm ki, hava işləsin... (gülür)

– Cabir Novruzun məşhur misrası var: "Sağlığında qiymət verin insanlara”. Necə hesab edirsiniz, siz bir alim, ziyalı kimi öz qiymətinizi alıbsınızmı?

– Bilirsiniz, qiymət həm maddi, həm də mənəvi olur. Təbii, maddi qiymətimi almamışam. Sərvətim, malikanəm yoxdur. Hələ təzə-təzə Xızıda özümə bağ evi tikirəm. Bu günə kimi 61 kitabım çap olunub - 45 tərcümə, 16 orjinal. On il də yaşasam, Əli Şamil demiş, kitab sayını bəlkə yüzə çatdıraram.

Mən jurnalistəm. Moskvada təhsil aldım, erkən parladım, radioda işə başladım. 28 yaşımda "Odlar Yurdu” qəzetinin baş redaktoru oldum. O qəzetə necə can qoyduğumu özüm yaxşı bilirəm. Yazıları ərəbcə, farsca özüm yazırdım. O vaxtlar komputer də yox idi. Mətbəədə yazıları makinada yazırdım deyə, köynəklərim tamam mürəkkəbə batırdı. Bu çap üsulu lap Quttenberq dövründən qalma idi. Orda işlədim, canım da, gözüm də çıxdı. Və əlbətttə, bütün bunlara görə mənəvi dəyərimi aldım. 60 yaşımda Cənab Prezident mənə Şöhrət ordeni verdi...

– Yüksək rütbəli məmurlar sizi tanıyır?

– Doğrusu, hamısının məni şəxsən tanıdığını bilmirəm. Amma adımı eşidənlər yəqin ki, var. Mən hər kitabımın çapından sonra bir neçə nüsxəsini Prezident Aparatına, bəzi nazirliklərə, mütaliə edən bir çox məmurlara göndərirəm. Eyni zamanda Cənab Prezidentə də yollayıram. Çünki mənim kitablarım satışa getmir və bilirəm ki, oxumaq istəyənlər olsa, tapa bilməyəcəklər. Ona görə də özüm göndərirəm.

– Bəs "Şöhrət ordeni” aldığınız xəbərini necə eşitdiniz?

– Yanvarın 10-da 60 yaşım tamam oldu. Ayın 13-ü evə gedirdim, bir dostumdan zəng gəldi və yubileyim münasibəti ilə məni təbrik etməyə başladı. Mən də təşəkkür etdim. Anidən dedi ki, öz aramızdır, yaxşı mükafatdır. Tutuldum, dedim ki, mükafat nədir? Dostum da qayıtdı ki, bəs bilmirsən, Prezident sənə Şöhrət ordeni verib. Soruşdum ki, harda yazılıb? Dedi, istənilən sayta gir, görəcəksən. Tez saytlara girdim, oxudum və məəttəl qaldım. Bu ordeni almağım mənin üçün bir stimuldur. Cənab Prezidentə təşəkkür edirəm.

– Sizə jurnalistlər üçün tikilən binada ev də veriblər. Amma deyirsiniz ki, maddi dəyərimi almamışam. Daha nə istəyirsiniz?

– Bəli, jurnalistlər üçün tikilən birinci binadan mən də ev aldım. Yaxın dostum Rafael Hüseynova zəng etdim. O zamalar cəmi 45 kitabım vardı. Dedim ki, Rəfael müəllim, dövlətim mənə üç otaqlı ev verib. Soruşdu ki, neçə kvadrat metrdir? Dedim ki, üç otaqdır, 85 kvadrat metr edir. Təzədən soruşdu ki, onun bazar qiyməti nə qədərdir? O binada üç otaqlı ev yüz əlli min manatdır. Qayıtdı ki, Ramiz, sən öz hesabına 45 kitab ərsəyə gətirmisən, Azərbaycan sənə dörd yüz əlli min pul borclu idi, onun üçdə birini ödədi. Hələ üz yüz mini qalıb. (gülür)

– Şöhrət ordenini sizə kim təqdim etdi?

– Mikayıl Cabbarov. Mənə gül dəstəsi verdi və mükafatı təqdim elədi.

– Ramiz müəllim, sizə orden verdilər, ev verdilər... Milli Elmlər Akademiyasına sənəd vermişdiniz. Bəs akademik adı niyə vermədilər?

– Sizə bir şey danışım. Mən 2006-cı ildə "Divani-Lüğəti-Türk” kitabını çap elətdirdim. Məhz həmin vaxtda bizim Akademiyanın məsul vəzifəli şəxsləri iclas keçirib deməli idi ki, Ramiz Əsgəri birbaşa akademik seçin. Ona görə ki, 80 il Azərbaycan elmi-ictimai fikri bu hadisəni gözləyib. Ramiz Əsgər anası ölmüş isə bu əsəri sifarişsiz çap elətdirdi. İnanın, heç o kitaba görə qonorar da almadım.

Bir neçə dəfə Süleyman Dəmirəlin yanına getdim. Axı mən Tağı müəllimin metrosu ilə Ankaraya 20 qəpiyə getmirəm. Aşağısı təyyarəyə bilet almaq üçün beş yüz dollar pul lazımdır. Yol xərcim də öz hesabıma idi. Süleyman Dəmirəl kitabın çap xərcini öz öhdəsinə götürdü, amma mən Bakıya qayıdandan sonra səs çıxmadı. Təzədən əlaqə saxladım, yenə söz verdi, amma səs çıxmadı. Nəhayət, Dəmirəlin bu kitabı çap etdirməyə maddi gücü çatmadı və kitabın çapını bizim yüksək vəzifəli məmurlarımızdan biri öz boynuna götürdü.

– Sizə nə qədər pul verildi?

– Kitabın çapı üçün 20 min dollar pul lazım idi. Bir gün bir dostumla görüşdüm, dedi, eşitmişəm ki, "Divani-Lüğəti-Türk”ü tərcümə edibsən. Belə bir tərcümə bizim üçün çox dəyərlidir. Soruşdu ki, çap üçün sponsor axtarırsan? Dedim ki, Süleyman Dəmirəl söz vermişdi, amma alınmadı. Sonra dörd cildlik kitabı həmin dostuma göstərdim və o da elə yanımda kiməsə zəng etdi, dedi ki, bu alimin Dəmirəllə tanışlığı var, kitabın çap üçün söz verib, amma gecikir. Gəl ona biz də kömək edək!

Kitabda Heydər Əliyev və Dəmirəlin şəkillərini yanaşı qoymuşduq. Eyni zamanda kitabın ümummilli lider Heydər Əliyevin xatirəsinə ithaf olunduğunu da yazmışdım. Dəmirəl haqqında isə onu yazmışdım ki, "onun yüksək himayəsi altında nəşr edilmişdir. Azərbaycan türkü bunu əsla unutmayacaq”. Bunu Dəmirəl də görmüşdü, "kitab bənim” deyə söz də vermişdi. Amma alınmadı. Bir neçə gün sonra dostum mənə dedi ki, sabah gəl 20 min dolları apar.

– Siz o zamanlar harda işləyirdiniz?

– Jurnalistlər İttifaqında baş katib idim...

– Kitabda sponsor kimi Sülyman Dəmirəlin adı getdi?

– Bəli. Sponsorla bağlı mənə deyildi ki, kitaba adının yazılmağını istəmir. Dedi ki, elə Dəmirəlin adı qalsın. İndi ictimayyət də elə bilir ki, kitab Dəmirəlin hesabına çap olunub.

– İyirmi min dollar pulun hamısını kitabın çapına xərclədiniz, yoxsa özünüzə də qaldı?

– Əlbəttə... Pul kitabın çapına ancaq çatdı.

– Son olaraq... Bayaq bir sual verdim, amma cavab almadım. Sizi niyə akademik seçmədilər?

– "Divani-Lüğəti-Türk” kitabının çapından sonra yazıçı Anar müəllim mənə bir məktub yazdı ki, Ramiz, Azərbaycan bu kitabı 80 ildir gözləyirdi. Bu, o qədər böyük bir xidmətdir ki, hətta Azərbaycan mədəniyyətinin bayramı hesab oluna bilər. Mən də dedim ki, əgər bayram idisə, Milli Elmlər Akademiyası da gərək bu bayramı qeyd edəydi. Eyni şeyi Özbəkistanda Salih Mütəllimov etdi, onu akademik seçdilər.

Mən də çox istərdim AMEA-nın müxbir üzvü olum...

Müəllif: Çinarə Böyükçöl, Kəramət Böyükçöl 

 

Xəbər 3542 dəfə oxunub






Oxşar xəbərlər

ABSURD - İş adamı baş redaktorun həbsini istəyir
Arif Əliyev yazdı - "REFORMA-2"
Razılaşdırılmamış aksiyada saxlanılan Əli Kərimli və digərləri sərbəst buraxıldı
“Bu özbaşınalığa görə kim məsuliyyət daşımalıdır?” - Əli Həsənov
"60 nəfər saxlanıldı" - Rəsmi açıqlama
"Qanunsuz aksiya cəhdinin qarşısı alınıb, saxlanılanlar var" - BŞBPİ-dən Açıqlama
İcazəsiz mitinqə görə bağlanan stansiyalar açıldı
“19 oktyabrda qarşıdurma baş verərsə, məsuliyyəti onlar daşıyacaq”
Oliqarx məmurların sonu çatdımı? – Ekspertdən
Doğrudanmı Yaxın Şərqdə “Kürd səhifəsi” çevrilir...
"Bakı xəbər"-də MÜƏMMA" - "v ne ştatnik" müxbir siyasi yazıları niyə oğurlayır ?
Türkiyəni niyə sevməliyik? - publisist baxışı
“MTN çetesi”nin ifşasının 4 ili - Ekspert dəyərləndirir
Zahid Oruc: “Dəyişikliklər qaçılmazdır”
Azərbaycanda qoyun və inəklərin sayı AÇIQLANDI
Azərbaycanlı Ukraynada Baş prokurorun müavini oldu - FOTO
Mətbuat Şurası da toplanıb
Keçmiş maliyyə naziri iqtisadi tənəzzüldən gileyləndi - TƏHLİL
GƏNCƏ MÜSTƏQİLLİK GÜNÜ BAYRAQSIZ QALDI
Leyla Əliyevanın 18 Oktyabr hədiyyəsi – VİDEO
Tanınmış simalar Əli Həsənovu yağmaladı: "İslahatların önündəki əngəllər və ya altdan-altdan iş görənlərin izi ilə...
“Yol Polisinə dəstək” qrupları yaradıldı
ADAU-nun rektoru Belarusdadır
Tramp: "İŞİD tam nəzarət altındadır"
Prezidentin mesajları: vətəndaş rifahı, yeni kadrlar, şəffaflıq...
"Dövlət Nəzarət Təhlükəsizlik Departamenti"nin rəhbəri həbs olunub - Rəsmi
Prezidentdən mətbuatdan silah kimi istifadə edənlərə XƏBƏRDARLIQ!
12 milyona çılpaq soyundu – FOTO
Azərbaycanın dövlət müstəqilliyini bərpa etməsindən 28 il ötür
Karateçimiz Ayxan Mamayev xəstəxanaya yerləşdirildi
Prezident Saleh Məmmədovu qəbul etdi (YENİLƏNİB)
Vahid Əhmədov: “..gənc kadrlar vəzifəyə gətiriləcək”” - VİDEOMÜSAHİBƏ
Samir Feyruzun yazısı: Ən çox şantaj edilən məmurlar kimlərdir?
Daşkəsəndə polis yanan avtomobili belə söndürdü - VİDEO
Fövqəlnazir Goranboyda icra başçısının "zapravka" tikintisini durdurdu - Merin şəriki də var
"İslahatları gözdən salmaq istyirlər ki, oturduğu kreslonu..."
Şəbnəm Tovuzlu Hacı Ramazandan danışdı: "Bu adamı tanımıram"
SƏNİN ŞƏRƏFİNƏ, CƏNAB GENERAL!
Dünya ölkələrinin telefon kodları - SİYAHI
Vilayət Eyvazov generalı təqaüdə göndərdi
Azərbaycan nefti bahalaşdı
Trampın Ərdoğana yazdığı “çox ağır” məktub açıqlandı
İran daha bir Fransalı elm adamını həbs edib
Sabiq deputat Rafael Cəbrayılov milyonluq mülklərini satır
Klinsmann Ekvadorun baş məşqçisi olacaq
“Rəsulzadə-Elçibəy yolu” ifadəsinin anlamı nədir?
31 il sonra şok etiraf: "Qarabağ savaşını mən başlatdım" - Video
Göygöl SSİ-nin ÖZBAŞINALIĞI HARA GEDİR? Dımbılı cuvar Əhmədzadəni cadu-piti etdirib? - SƏHİH DETALLAR
Fuad Qəhrəmanlı barəsində cinayət işi başlanıldı
Prezident: "Hökumətin bəzi üzvləri digər üzvləri tərəfindən şantaj edilir"
İstanbul universitetinin müəllimi ADAU-da mühazirə oxuyub
Meliorasiya və Su Təsərrüfatı ASC-yə 7 milyon manat ayrıldı
"Belə etmək istəsələr..." - Deputat müxalifəti hədələdi
Azərbaycan meyvə-tərəvəz ixracından gəlirini 14% artırıb
Prezident yeni dövlət qurumu yaratdı (FƏRMAN)
QHT sədrləri Əfqan Muxtarlının azad olunması üçün prezidentə müraciət etdilər
Azərbaycana böyük Qarabağ dəstəyi gəldi
Zümrüd Yağmur yazdı: " O xoruza sayğı duymaq..."
Niyazi Bayramovun “müəmmalı kadrı” – Şiddətli töhmətlə ucalan Əhmədov kimdir?
Polislər halı pisləşən sürücünün köməyinə çatıblar
İtaliyada yol qəzasında 20 nəfər yaralanıb
HESABAT: Maliyyə institutlarının "Turan Bank"a inamı azalıb
Nazir Vilayət Eyvazovun bacısı vəfat edib
Zakir Həsənov NATO/SHAPE Tərəfdaşlıq İdarəsinin rəisi ilə görüşüb
İcra başçısı Prezidentin açılış etdiyi ərazini satıb – Şok iddia
"Türkün tarixi əzəməti Nazarbayevin NİTQİ İLƏ
SOCAR-ın Türkiyədəki layihələri: Azərbaycanın qazancı nədir?
Kanada Türkiyəyə silah tədarükünü dayandırır
GDU-nun diplomsatan kafedra müdiri həbs edildi
Göygöl DYP-yə yeni rəis təyin olunub

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Oktyabr 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.37904] initstartout [0.00027] initstartin [0.00144] calstart [0.01457] calend [0.00083] topnewsend [0.00834] rsssend [0.00000] ehgend [0.01187] tagsstart [0.00117] tag-initendin [0.00000] initendout [0.00001] weathend [0.00000] end [0.34049]