"Ərə gedəcəyim kişi Koroğlu olmalıdır"
- 11 fev 2017, 17:41
Müğənni Səidə Sultan şəxsi həyatından danışıb.
Lent.az-ın "Canlı yayım”ında qonaq olan ifaçı bildirib ki, bu yaxınlarda ona
elçi gəlib:
"Mənlə ailə qurmaq istəyən insan var. Bu yaxınlarda da
mənə elçi gəlib. Ərə getmək baxımından heç vaxt problemim olmayıb. Günü bu gün
də gedə bilərdim. Amma xarakterim elədir ki, elə-belə oğlana gedə bilmərəm. Mənim
ailə qurduğum şəxs əsl kişi xarakterində olmalıdır. Amma düşünmüşəm ki, ailə
qursam, Azərbaycanda qalmayacağam, gedəcəyəm. Ailə qurduğum şəxs Qəhrəman,
Koroğlu olmalıdır. Bilməliyəm ki, qarşımdakı kişidir, gözünü ağardan kimi özümü
yığışdırım”.
Müğənni bildirib ki, artıq onun istədiyi kimi bir bəy var. Artıq ailə qurmaq
niyyətindədir: "Həyatımda elə bir mərd oğlan var. Bunu ilk dəfə açıqlayıram.
Heç vaxt bunu mətbuata deməmişəm. İllərdir arzuladığım bir insandır. Necə arzu
edirdimsə, Allah qabağıma çıxardı. Bu ağ yox, qar atlı oğlandı. Toyun vaxtını,
məqamını indidən demirəm. Hər şeyin öz məqamı var. İndi mərdimazar da
çoxdur”.
S.Sultan bildirib ki, ailə qurmağa hazırlaşdığı şəxs onun sənətini dəstəkləyir:
"O məni müğənni kimi sevib, hörmət edir, qəbul da edir. Hansı sahə ilə məşğul
olduğunu deyə bilmərəm. Bilən bilir ki, oğlan nə işin sahibidir. Bu da mənə ləzzət
edir. Bir sözlə, seçdiyim insan şou-biznesdən çox uzaqdır. Allahım onu mənə ən
pis anımda nəsib etdi. Həmin vaxtda ki, mən insanların içinə çıxmağa qorxurdum,
utanırdım. Amma o, mənə öz sözü, əməli ilə dəstək oldu. Onun yanında özümü uşaq
kimi hiss edirəm”.
"Demokratik.Az"