Əbülfəz Elçibəyin villası- FOTO

  • 29 dek 2015, 20:51
Şəkildə gördüyünüz kənd evi Azərbaycanın ikinci prezidenti Əbülfəz Elçibəyə məxsusdur. Şəkil Kələkidə çəkilib. Onu sosial şəbəkədəki səhifəsində mərhum liderin kürəkəni Aqil Səmədbəyli paylaşıb.

A.Səmədbəyli bu şəklə belə bir şərh yazıb: "Bu şəklə diqqətlə baxın. Bu, prezident Elçibəyin Kələkidəki ata evidir. Bəli, o, prezident olanda da, devrildikdən sonra da məhz bu evdə yaşadı! Xalqın bir qəpiyini mənimsəmədi, Londonda bahalı saraylar almadı, yetim malı-qul haqqı yemədi!

Onun komandasından heç kimin Londonda bir daxması belə yoxdu. İndi Kələkidəki bu ev bir az düzəldilib -o da Bəydən sonra..."

Şəkildən də göründyü kimi, bu bizim təsəvvürümüzdəki villalardan deyil, adi kənd evidir. 

Səmimisini deyək, biz bu yazının başlığını ona görə belə qoyduq ki, həm bir az sensasion olsun (çünki heç kəs Elçibəyin villa sahibi ola biləcəyini güman etmir), həm də əslində bu həqiqətin təhrif edilməsi demək deyil. Avropada kənd evlərinə "villa" deyirlər. Elə ingilis dilindəki "village" (kənd) sözü də buradandır.

Mərhum Elçibəyin nə dərəcədə gözü-könlü tox olması haqqında təkrarən danışmağa ehtiyac yoxdur. Bunu onun ən qatı əleyhdarları da etiraf edirlər. 

O, dünyanın dərk edən insan idi, bilirdi ki, fironlar kimi ehram sahibi olsan da axırı yoxdur. 

Başqalarının varidatını, həyatını yağmalayıb özünə kaşanələr tikdirənlər də bilməlidirlər ki, Sezara, Rokfellerə qalmayan dünya heç kəsə qalmayacaq. 

N.Asifli

Oxşar xəbərlər