Bütün yenilikləri Facebook səhifənizdə izləyin. Yalnız "Bəyənirəm" edin.

11:17 - 20.05.2019  
Elçibəy mənim vətənimdir! – Cəlil Cavanşirin yazısı
Tarix: 30-05-2018, 15:13 | Bölmə: Xəbərlər » Maraqlı

...Əbülfəz Elçibəy sadəcə dövlət başçısı, ictimai-siyasi xadim, dissident, partiya sədri, hərəkat rəhbəri deyil, eyni zamanda müxtəlif fikirli, fərqli dünyagörüşlü insanları öz ətrafında birləşdirən, gələcəyi görə bilən lider, əvəzolunmaz dəyər idi. O haqsızlıq edib zirvədə qalmaqdansa, haqlı olub geri çəkilməyi üstün tutan hədsiz təvazökar bir şəxsiyyət kimi qalıb yadımda. BƏY sıravi vətəndaş olmağı, siyasi xadim olmaqdan üstün tutan, heç bir siyasətçiyə bənzəməyən böyük düşüncə adamıydı. O həyatını Bütöv Azərbaycan davasına həsr etmiş, tutduğu yola inanan vətən və millət sevdalısı kimi köçüb xatirələrə. Onun Azərbaycan üçün etdiklərini qədirbilən insanlar sözsüz ki, heç bir zaman unutmur və unutmayacaq. 

Elçibəy mənim vətənimdir! – Cəlil Cavanşirin yazısıMən yazmağa, çap olunmağa başladıqdan 20 il sonra, ilk dəfə Elçibəy barədə nə isə yazmağa özümdə cəsarət tapanda başa düşdüm ki, onun efirlərdə gördüyüm kədərli gözlərini, yorğun, pərakəndə amma inamlı danışığını, tribunalardakı arxayın və əmin duruşunu heç vaxt unuda bilməyəcəm. Çünki uşaq yaddaşıma qazınan bu insan, haqqında nə qədər mənfi fikirlər səslənsə də, mənim xatirələrimə əbədi olaraq müsbət və nurani siması, sevimli çöhrəsi ilə hopub. Ucqar dağ kəndində doğulan, uşaqlığı SSRİ-nin dağıldığı, müharibənin canlar aldığı dönəmə düşən, atası hətta qohumları tərəfindən belə "cəbhəçi” deyə dışlanan, gecələr neft lampasının işığında dərs oxuyan, böyük xəyallarla yaşayan bir uşağın idealı, qəhrəmanı başqası ola bilməzdi. Bəli, o mənim ilk qəhrəmanım idi! Daha doğrusu o hələ də mənim qəhrəmanımdır! Çünki onu bütün qəhrəmanlardan, siyasətçilərdən, siyasi liderlərdən, tarixi şəxsiyyətlərdən əvvəl tanımış və və xilaskar qəhrəman kimi sevmişdim. İndi düşünürəm ki, bir insan, bir lider öldükdən sonra bu qədər sevgiylə, sayğıyla xatırlanırsa, deməli ölməzliyi qazana bilib. Bu yerdə başqa bir milli fenomenin, şair Ramiz Rövşənin BƏYə həsr etdiyi şeirdən bir misra süzülür dodaqlarımdan: "Bircə tilsimin var, sevgi tilsimi”... Və mən illərdir şairin dediyi o "sevgi tilsimində”yəm...

***


Elçibəy mənim vətənimdir! – Cəlil Cavanşirin yazısı

 

...Elçibəy çox gərgin, qarışıq siyasi-ictimai proseslərin içindən çıxıb, Milli Azadlıq hərəkatının lideri, bu ölkənin dövlət başçısı olmuşdu. Və bu böyük işləri görən adam sadə yaşamağı, təmənnasız yaşamağı bacarırdı. O bütün uğurlarıyla, qələbəsi və məğlubiyyəti ilə ucqar bir dağ kəndində, hətta o kəndin yaylağında doğulmuş, sadə bir kənd uşağı idi. Bəlkə də mənim ona olan sevgimin içində bu məqam daha böyük rol oynayır. Mənə görə bütün böyüklüyü, ucalığı və əzəməti ilə bərabər o həm də kövrək, küsəyən bir kənd uşağı idi. Bütün kövrək kənd uşaqlarının dönəcəyi son yer doğulduğu kənd-kəsək, arxada qoyub gəldiyi ata yurdu, yarıuçuq evi, daxmasıdır...O da ölüm təhlükəsi ilə üz-üzə qalanda, ətrafında oynanan oyunlardan bezəndə öz kəndinə hicrət etmişdi.

Birinci kadr

...Uruqvay prezidenti Xose Muxikanın münzəvi, kasıb həyatı tez-tez mətbuatın gündəmi olur. Onun sadə, kasıbyana həyat tərzini örnək göstərir, yaşadığı kasıb daxmanın-evin fotolarını paylaşırlar. Muxikanın sadə həyatını şübhəsiz ki, təqdir edirəm. Amma mənim qəhrəmanım daha sadə, daha kövrək, daha münzəvidir. Elçibəyin yaylaqda kasıb bir süfrə arxasında oturub "Yəmən türküsü” oxuduğu, 1996-cı ilə aid bir video var. Əlləri ilə dizlərini qucaqlamış, tez-tez göz yaşını silən, kövrək, ağ saqqalı, gödəkcəsini zəif çiyinlərinə atmış bu adam cəmi 3 il əvvəl bir ölkənin prezidenti, birinci adamı olub. O kadr gözlərimin qarşısından heç zaman getməyəcək qədər təsirli və kədərlidir...

İkinci kadr

Hə, bir də, Elçibəyin ata evinin şəkli tez-tez çıxır qarşıma. Kasıb, sınıq-salxaq bir kənd evi...Şübhəsiz ki, onun əzəməti də, böyüklüyü də sadəliyində, ədalətində, gözütoxluğunda, dərvişliyində idi...

***
...O nifrət etməyi bacarmayan insan idi. Ona edilən bütün pislikləri unudan, inandığı davada hər kəsi sevgiylə bağrına basan barışdırıcı bir şəxsiyyət idi. Onu sağlığında fanatikcəsinə sevənlər və eyni dərəcədə nifrət edənlər vardı. Ölümündən sonra, zaman keçdikcə daşlar yerinə oturdu. Fanatiklər sakitləşdi, bədxhları etdiklərindən utandı, geri addım atdı. Elə sevənləri də sabitqədəm olmadı, ölümündən sonra onu tənqid etmək cəsarəti də tapdılar özlərində. Haqqında yüzlərlə hədyan yazdılar, hətta ölümünü də dedi-qoduya çevirib mtbuat səhifələrinə daşıdılar. Haqqında həm əfsanələr, həm də ağlasığmaz şaiyələr yayıldı. Amma BƏY axar su kimi bu çirkabları götürmədi və bütün təmizliyi ilə zamanın içindən axıb keçməkdədir. Bütün bunlar Bəyin böyüklüyündən, ucalığından heç nə almadı, ala bilmədi. Ona atılan daşlar öpüb əzizləyən İNSAN, adını tarixə yazdırmağı bacardı. O daşları atanlar isə necə olacaq, bilinmir...

***
...BƏY hardan gəldiyini və hara getdiyini çox gözəl bilirdi. Başına yığılanlara elə bir ucalıqdan baxırdı ki, onu aldatdığını düşünənləri belə bağışlamağı bacarırdı. O həm sıravi xalq adamı kimi sadə, həm də qeyri adi fenomen kimi fərqli idi. Onun insanlara, millətinə olan sonsuz sevgisi, sadə insanları anlaması, hiylədən uzaq olması ona olan sevginin əsas mənbəyidir. O sevdiyi üçün sevilir, sayılırdı.

Üçüncü kadr

...BƏY şairliyi, dərvişliyi, kövrəkliyi və ədəbiyyat sevgisi ilə mənə daha çox doğmadır. Türkiyənin TGRT kanalında bir müsahibəsində Nəcib Fazil Kısakürəyin "Sakarya Türküsü” şeirini səsləndirir. Bəlkə yüz dəfə dinləmişəm – atamla, qardaşlarımla, oğlumla birlikdə. Və gözlərim dolub. Sonra o şeiri əzbərləmişəm və illərdir o uzun şeirdən sadəcə BƏYin səsləndirdiyi misralar yaddaşımdadır. Onun şairlərlə, ədəbiyyat adamları ilə yaxın dostluğu da təsadüfi deyil. Ramiz Rövşən, Rüstəm Behrudi, Vaqif Bayatlı Odər, Sabir Rüstəmxanlı və başqaları... O bunu necə bacarırdı bilmirəm, amma bəlli ki, çətin adamları sevirdi. Axı şairlər dost kimi çox çətin, dözülməz adamlar olur. Bu dəli-dolu adamlarla görəsən ən çox nədən danışırmış, BƏY? Şeirdən, ədəbiyyatdan yoxsa millətin taleyindən? Bunu da dəqiq bilmirəm. Çünki o bütün sirləri özüylə apardı, dostları da bir-ikisi xaric ondan sonra çox az danışdı, ona bənzəməyə çalışdı...

Dördüncü kadr

Image result for Elçibəy

...Hərdən xəbər saytlarında Türkiyədə hansısa nazirin şəhid ailələri, şəhid yaxınları ilə görüşü, onlarla səmimi, içdən davranışları yayımlanır. Bəlkə də bu reklamdır, amma bu reklam səmimidir, içdəndir. İnsan bu görüntülərdən ürəklənir, vətən üçün döyüşməyin, ölməyin dəyərini, qədrini-qiymətini anlayır. Bu sadəcə xalqa güc, inam bəxş edir. Mənim qəhrəmanımın da belə bir videosu var. Sırf təsadüfən çəkilmiş, BƏYin böyüklüyünü, xəlqiliyini və vətən sevgisinin səmimiliyini əks etdirir. Ətrafındakı adamların əksəriyyəti indi mal-mülk, var dövlət sevdasında olan, siyasi ambisiyalarına ideologiyalarını qurban verən siyasətçilərdir. Amma nədənsə BƏYin yanında vüqarlı və inamlı görünürlər. Şəhidlər xiyabanını ziyarət edən qəhrəmanım, şəhid qəbirlərinin üstündə ağlayan analara təskinlik verməyə çalışır, göz yaşlarını və çarəsizliyini gizlətmir. Və bu görüntülərdə o siyasətçidən daha çox ŞAİRdir...

...BƏYin ölümündən qısa müddət öncə yazdığı vəsiyyəti çoxları oxuyub. Mən də dəfələrlə, təkrar-təkrar oxumuşam. Böyük bir insanın ölümdən öncə düşündükləri günlərlə rahatlığımı əlimdən alıb, yuxumu qaçırıb. Xüsusilə bu vəsiyyətin sonluğu, "Türkiyədə və Azərbaycanda olan türk aydınlarımıza kiçik bir xatırlatma”, qeydi ilə yazılan hissə. Bu sonluqdakı qınaqlarhüzn, giley və məni indi də çox düşündürür:
"...Mən çox gec bildim ki, "xərçəng" xəstəliyinə tutulmuşam. Ancaq Siz bunu əvvəlcədən bilib məndən gizlətmişdiniz ki, mən narahatlıq hissi keçirməyim. Hətta gəlib mənimlə görüşəndə maraqlı kitablar gətirirdiniz ki, onları oxuyum. Ancaq daha yaxşı olardı ki, mənə bu həqiqəti bildirəydiniz. Nə qədər ki zaman varıydı, məsləhətləşib, heç olmazsa, gələcək milli proqramın tezislərini hazırlayaydıq. Yeni işlər görmək mümkün idi. Nə isə...”

İlahi, mən bu "Nə isə...”dən böyük qınaq, peşimanlıq, təəssüf düşünə bilmirəm. Və hər dəfə bu hissəyə çatanda boğazım düyümlənir...

***

Image result for Elçibəy

...Marqarit Tetçer onu "Qafqazın ən böyük demokratı” adlandırırdı. Və maraqlıdır ki, hətta siyasi rəqibləri belə onun demokratik siyasətçi olduğunu danmırdı. Mən siyasətçi deyiləm və onun siyasi fəaliyyətinə qiymət verəcək qədər siyasət bilgim yoxdur, açığı siyasəti bir o qədər də sevmirəm. Bəlkə onun siyasi fəaliyyətinə dəqiq qiyməti 20-30 il sonra vermək mümkün olacaq, bunu da bilmirəm. Amma onu bilirəm ki, mən öz qəhrəmanımı bütün uğurları və qüsurları, bütün yanlışları və doğruları ilə sevirəm. BƏY deyirdi ki, "Vətən sevgisi torpağa deyil, onun üstündəki insanlara qarşı duyulan sevgidir”. Bu fikirdən yola çıxaraq mən bu vətən torpağının üzərində yaşayan, bu vətən üçün çalışan bütün səmimi və dürüst insanları sevməyi öyrəndim, bu sevgini içimdə böyütdüm və bu vətənin bütün qəhrəmanlarını VƏTƏNim bildim. Bu vətənin oğulları, qızları mənim üçün vətən torpağı qədər doğmadır, əzizdir və VƏTƏNdir. Və bu sevgini öyrəndiyim Əbülfəz ELÇİBƏY mənim üçün Bütöv Azərbaycandır. Bəli, ELÇİBƏY mənim VƏTƏNimdir!

Cəlil CAVANŞİR

Qeyd: Yazı "Elçibəy-80” yazı müsabiqəsinə təqdim edilir

Xəbər 3654 dəfə oxunub






Oxşar xəbərlər

“KÖLGƏ”DƏ GİZLƏDİLƏN MİLYONLAR…
Tacikistanda İŞİD üzvü olmuş məhbuslar qiyam qaldırıb
"Qarabağ" üçün 13 potensial rəqib
"Emin 444"-ün ölümü - Həbs edilən dünya çempionunun ayağındakı bıçaq izi..
Gəncə Təhsil İdarəsinin əməkdaşı itkin düşüb - FOTOSU
Ağ Evin Qarabağ təşəbbüsü: Konqres də qoşula bilər
Şəmkir İcra Hakimiyyətinin yanında inəklərin "PARADI" - Biabırçılıq
Göygöldə məktəb direktoru "qaçqının daxması"na hücum çəkdi - NİYƏSİ + FOTOLAR
Spiker xəstəxanadakı Milli Qəhrəmanı ziyarət etdi
Gəncə-startap günləri başa çatdı
Tacirdən: “Tellinin hər yerini yeyərəm” - Video
Çantada narkotik daşıyan Şəki sakini Balakəndə saxlanılıb
Şvarseneggeri bir təpik vurub yerə yıxdılar - VİDEO
Samuxda orta məktəbə Milli Qəhrəmanın adı verildi
"Oskar"lı aktyor 31 ildən sonra attestat aldı - FOTO
“Mən niyə akademik ola bilmərəm, neyləmişəm ki?…”
İranda qum fırtınası başlayıb
Oqtay Əsədov Zelenskinin andiçmə mərasimində iştirak edəcək
Şəmkirin icra başçısı Dilqəm Əsgərovun oğlunun torpağını əlindən alır ?
Trampın gəlirləri və borcları açıqlandı
Ərdoğanın yaşlı qadınla söhbəti rekord qırdı - VİDEO
Gürcüstanın sabiq prezidenti qaynaqçılıq edir
ADAU-da Gəncə-Startap günləri başldı
Gədəbəydə aptek talayanlar Gəncədə tutuldu
İran raketləri Fars körfəzindəki Amerika gəmilərini hədəfə alıb
"Azərbaycan ABŞ-a 8,2 mlrd dollar investisiya qoyub"
Ceyhun Osmanlıya Avropada vəzifə verildi
Afaq Bəşirqızı məmurlara çağırış etdi: “Siz də ayılın...”
AVF-nin baş katibi dəyişib
Çin TV Azərbaycan haqqında 8 seriyalı film çəkib
Cavid Qurbanovun "İSPAN TAPMACASI" - 22 işçisi olan şirkət tenderin qalibinə necə çevrildi?
Abşeron İHB daha bir jurnalistə qarşı - Məhkəmə İŞİ
Gəncədə körpülər əsaslı təmir olunacaq
Adnan Oktarın həbsxanadan - FOTOLARI
"Emin 444"ün "morqda" çəkilən görüntüləri yayıldı
Atəşkəs rejimi 26 dəfə pozulub
Musabəyovun bağlatdığı popkorn satışı yenidən açıldı
ABŞ hərbi gəmiləri Fars körfəzinə daxil olub
ABŞ-ın İrəvana son ismarışı, köhnələn “Rusiya kartı”...
İquain "Yuventus"a qayıdır
Vidadi Rzayevdən ŞOK açıqlamalar: ..hamısı aftafalardı, yaltaq və sümsüklərdi"
İlan mələyən çöllərimizdəki “ilan zəhəri”adlı böyük xəzinə
"AĞ PARTİYA" başqanı "Yeni Müsavat"-a MÜSAHİBƏ verdi
AYB 8000 manat qarşılığında seks-striptizə göz yumur -VİDEO
Müxalifətdən Pənah Hüseynin seçki blokuna reaksiya
Brüssel zirvəsi başa çatdı – nəticələr...
ABŞ “Huawei” şirkətini qara siyahıya salıb
“Donald Tramp, hanı azadlıq?” – MADURO
“Bu fərman müstəsna rol oynayacaq…” – Ali Məhkəmənin sədri ilə MÜSAHİBƏ
Orta ixtisas təhsili müəssisələri publik hüquqi şəxslərə çevriləcək
“Zakir Fərəcov Sumqayıtda boş yer qoymadı…” – “Kristal Abşeron”la birlikdə…
Azərbaycan Avropanın sənədinə niyə imza atmadı?
Gəncə Avtomobil Zavodu ELEKTROBUS istehsal edir
“Avroviziya”da terror təhlükəsi var?..
Ermənilərin qənimi olan Bakı qoçuları…
“Elçibəyin ruhundan üzr istəyirəm” – Emin Milli
Ölümdə adı keçən həndbol hakimi həbsdən necə qurtuldu? - Nazirin yazdığı məktub üzə çıxdı
Tovuzda mağazadan oğurluq edən şəxs saxlanılıb
Bakının mərkəzində atışma - Generalın qohumu tutuldu -
Macarıstan Səfirliyinin diplomatı ADAU-da olub
Abşeron "kraliçası"nın "Demokratik.Az"-a qarşı şikayəti rədd edildi
Elmar Vəliyevin nömrəsini əlindən aldılar(?) — FOTO
"Sona qədər savaşarıq" - Çin ABŞ-ı hədələdi
“HƏDƏ və GƏDƏ qarşısındakı AZƏRBAYCAN!” – Deputat yazır...
Abşeron İHB niyə “Mediafobiya”ya tutulub? İradə Gülməmmədovanın tənqidə münasibəti xaotikdir
Mir Şahin "Brüssel olayı"ndan sərt danışdı - "Ağrınızı yenə vətən çəkir " / VİDEO
Emin Milli Prezident İlham Əliyevdən ÜZR istədi
Günəşdə güclü maqnit qasırğası olub
Bakıda “bomj”u öldürən şəxsə hökm oxunub
İlham Əliyev və Nikol Paşinyan görüşdü

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    May 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.22040] initstartout [0.00017] initstartin [0.00072] calstart [0.01026] calend [0.00076] topnewsend [0.00456] rsssend [0.00000] ehgend [0.05446] tagsstart [0.00058] tag-initendin [0.00000] initendout [0.00001] weathend [0.00000] end [0.14884]