Gəncədə 27 yaşlı kişi bıçaqlanıb

APA-nın qərb bürosunun verdiyi məlumata görə, Gəncədə məcburi köçkünlər üçün salınan yeni şəhərcikdə yaşayan Kəlbəcər rayon sakini, 1990-cı il təvəllüdlü Orxan Məlikov döş qəfəsinin kəsilmiş-deşilmiş yarası xəsarəti ilə xəstəxanaya yerləşdirilib.

O, dərhal əməliyyat olunub. Vəziyyətinin orta-ağır olduğu bildirilir.

 

Məlumata görə, bıçaqlanma hadisəsi şəhərin Nizami Gəncəvi küçəsində baş verib. Hadisəni törədənin kimliyi məlum deyil.

 

Faktla bağlı hüquq mühafizə orqanları tərəfindən araşdırma aparılır.