Bütün yenilikləri Facebook səhifənizdə izləyin. Yalnız "Bəyənirəm" edin.

06:01 - 16.02.2019  
Söyün Sadıqovun həbsinin GİZLİNLƏRİ
Tarix: 14-02-2019, 09:08 | Bölmə: Xəbərlər » Kriminal

Xəbər verildiyi kimi, Rusiya Federasiyasının Rostov şəhərində azərbaycanlıların keçmiş diaspor rəhbəri Söyün Sadıqov həbs edilib. "Reket”likdə ittiham olunan "AzerRos”un sabiq rəhbəri güc yolu ilə 100 milyon rubl tələb etməkdə günahlandırılır.

Söyün Sadıqovun həbsinin GİZLİNLƏRİOnun həbsi müəyyən çevrələrdə rezonans doğurub. Bu da səbəbsiz deyil. Çünki S.Sadıqov sıradan biri deyil. O, Rusiya prezidenti Vladimir Putinə yaxınlığı ilə seçilir. 2012 -2018-ci illərdə Putinin etibarlı nümayəndəsi olub. Onun həbsi ilə bağlı bir sıra versiyalar var. İlk iddia Rusiyada yaşayan, Azərbaycan baş nazirinin sabiq birinci müavini Abbas Abbasovla bağlıdır. S.Sadıqovla A.Abbasov arasında zaman-zaman yaşanan gərginlik barədə mediada saysız-hesabsız xəbərlər var. Bu həbsdə A.Abbaosvun "əlinin olduğu” barədə ittihamlar səslənir.

Bundan əlavə, S.Sadıqovun Gürcüstanda Xocalıda azərbaycanlılara qarşı törədilən soyqırımın iştirakçısı Mixail Avaqyana abidə qoyulmasına sərt şəkildə bildirdiyi etirazın da həbsə səbəb ola biləcəyi ehtimalları var. Keçmiş diaspor rəhbəri gürcü iqtidarına iki ay vaxt verərək, abidə sökülməyəcəyi təqdirdə Gürcüstanda yaşayan soydaşlarımızı öz muxtariyyətlərini tələb etmək üçün ayağa qaldıracağını bəyan etmişdi.

S.Sadıqovun həbsi ilə Azərbaycanın Rusiyadakı səfirliyinin, Xarici İşlər Nazirliyinin və Diasporla İş üzrə Dövlət Komitəsinin hansı addımları atacaqları, məsələni araşdırıb-araşdırmayacaqları indidən suallar doğurur. Digər tərəfdən Putinə yaxın bir şəxsin uzun müddət həbsdə qalıb-qalmayacağı da müzakirələr sırasındadır.

Aqil Əsədov: "Hər bir azərbaycanlının problemi komitənin diqqətindədir”

Diasporla İş üzrə Dövlət Komitəsinin Təbliğat, İnformasiya və Analitik Təhlil şöbəsinin rəhbəri Aqil Əsədov "Yeni Müsavat”a açıqlamasında məsələni diqqətdə saxlayacaqlarını bildirdi: "Bildiyiniz kimi, komitə xaricdə yaşayan azərbaycanlılarla bağlı dövlət siyasəti həyata keçirən mərkəzi icra qurumudur. Komitə əsasnaməsinə, o cümlədən, dövlət başçısının tapşırıqlarına uyğun olaraq xaricdə yaşayan azərbaycanlılarla bağlı davamlı şəkildə siyasəti həyata keçirir. Hər bir azərbaycanlının problemi komitənin diqqətindədir, o cümlədən, qeyd etdiyiniz məsələ də komitənin nəzərindədir. Hələ ki məsələlər təhlil olunur. Komitə hər bir azərbaycanlının məsələsinə həssas yanaşır”.

Əslən Gürcüstandan olan S.Sadıqovun həmyerlilərinin də həbslə bağlı mövqelərini öyrəndik.

Mahir Dərziyev: "Onun muxtariyyətlə bağlı məlum çağırışını biz təxribat kimi qiymətləndiririk”

Gürcüstan parlamentinin deputatı Mahir Dərziyev S.Sadıqov barədə kifayət qədər sərt danışdı: "Söyün Sadıqovun adı hər zaman qalmaqallarda çəkilib. Buna təəssüf etməmək mümkün deyil. Son vaxtlar da bu adam daha çox həm Azərbaycan, həm də Gürcüstan gündəmində skandallarla yadda qalıb. O, Gürcüstan əsillidir, burada doğulub. Amma müsahibələrimdə də demişəm ki, onu Gürcüstanla heç nə bağlamır. Bölücülük etmək istəmirəm, amma açığı deyim ki, bu şəxsin kökü də Borçalı ilə bağlı deyil. Onun atası, babası başqa yerdən Borçalıya gəliblər. Amma bu fərq etməz. O da bizim soydaşımızdır. Söyün Sadıqov Gürcüstan azərbaycanlıları arasında heç bir nüfuza sahib olmayan adamdır. Nə bura gəlib gedən, nə də burada iş görən deyil. Bir xeyirli işi ilə bağlı belə yadda qalmayıb. Dediyim kimi, ancaq skandallarla yadda qalıb. Onun muxtariyyətlə bağlı məlum çağırışını biz təxribat kimi qiymətləndiririk. Bu adam çağırışı ilə iddia edir ki, Gürcüstanda yaşayan azərbaycanlılar potensial separatçıdırlar, bölücüdürlər. Düşünür ki, buradakı azərbaycanlılar bir insanın çağırışı ilə ayağa qalxa bilərlər. Onun bəyanatı kökündən yanlış idi, sırf təxribata hesablanmışdı. Söyün Sadıqovun heç bir mənəvi haqqı yoxdur Gürcüstan azərbaycanlılarına xitab etməyə. O faktiki şəkildə Gürcüstanın konstitusiya quruluşuna, ərazi bütövlüyünə qəsd edib. Gürcüstanın Cinayət Məcəlləsi ilə yəqin ki, nəzərdə tutulmuş bir neçə cinayət əməli törətmiş olurdu. Əminəm ki, Söyün Sadıqov nə zaman Gürcüstana gəlsə, hüquq mühafizə orqanları bəyanatla bağlı ona qarşı müəyyən işlər görərlər”.

Deputat S.Sadıqovun adının Rusiyada azərbaycanlı icması arasında daim Putinin yaxın adamı kimi hallandığını da qeyd etdi: "Deyirlər ki, Söyün Sadıqov Rusiya xüsusi xidmət orqanlarının zabitidir. Hətta onu da deyirlər ki, Federal Təhlükəsizlik Xidmətinin polkovnikidir. O, eyni zamanda, Putinin müşaviri olub. Rusiya Mədəni Milli Muxtariyyətinə başçılıq edən şəxslərdən olub. Hər zaman müşahidə etmişəm və görmüşəm ki, Söyün Sadıqov Rusiya mənafeyinə sədaqətlə xidmət edən şəxsdir. Vaxtı ilə Azərbaycandakı prezident seçkiləri ilə bağlı Rusiyada qurulan planın əsas icraçılarından birinə çevrildiyi də bəllidir. Onun məsuliyyətsiz bəyanatları, hərəkətləri görünür, hər kəsi artıq bezdirib. Rusiya yetərincə korrupsioner bir ölkədir. Orada rüşvətxorluğa görə həbs olunma o qədər də ağlabatan deyil. Yəqin ki, Söyün Sadıqov sahiblərinin qəzəbinə düçar olub. Digər tərəfdən ola bilsin ki, ittiham olunduğu reket maddəsi üzrə etdiyi əməl bütün qırmızı cizgiləri keçib. Amma istənilən halda bu həbs Rusiyada Söyün Sadıqova qarşı olan etimadsızlıqla bağlıdır. Ona etimad göstərilsə idi, himayə olunardı, cinayət məsuliyyətindən yayındırardılar. Haradasa demək olar ki, Söyün Sadıqov işini görüb getdi. Onun nə qədər həbsdə qalacağını kimsə söyləyə bilməz. Amma görünən odur ki, Söyün Sadıqov Putinin qəzəbinə tuş gəlib, onun yanında olan etimadını itirib. Reket ittihamı inandırıcı deyil. Bu işin arxasında başqa məqamlar var. Bunu kimsə bilə bilməz”.

Söyün Sadıqovun həbsinin GİZLİNLƏRİZəlimxan Məmmədli: "Bizlər onun taleyinə istənilən halda biganə olmamalıyıq”

"Borçalı” Cəmiyyətinin sədri Zəlimxan Məmmədli indidən S.Sadıqov  barəsində konkret fikirlər söyləməyin mümkünsüz olduğunu söylədi: "Söyün Sadıqovun son bəyanatına hər kəs mövqe bildirdi. Bu həbslə bağlı konkret qənaətə gəlmək çox çətindir. Çünki o siyasi mərkəzə yaxın adamdır. Mətbuatdan aldığım informasiya əsasında bunu deyirəm. Əgər belədirsə, o bu şəkildə həbs edilməməli idi. Görünür, başqa səbəblər var. Rusiyada tanışıq, maliyyə çox şeyləri həll edir. İrəli sürülən ittihamın birbaşa doğru olduğunu söyləmək düzgün olmazdı. Söyün Sadıqovun vəkilinin açıqlaması olsa, müəyyən qənaətlərə gəlmək olar. Hər şeyi zaman göstərəcək. İstənilən halda kimsənin həbsini istəmərəm. Amma həbs əmələ uyğundursa, qanunlar çərçivəsindədirsə, hər kəs etdiyinə görə cəzasını çəkməlidir. Hüquqdan kənar həbs varsa, bu artıq siyasi məsələdir. Bütün hallarda Söyün Sadıqov bizim millətin adamıdır, həbsinə təəssüflənirəm. Ola bilsin ki, mərkəzi hakimiyyətlə müəyyən narazılıq baş verib və bu səbəbdən həbs baş verib. Düşünürəm ki, bizlər onun taleyinə istənilən halda biganə olmamalıyıq”.

Cavanşir ABBASLI,
"Yeni Müsavat”

Xəbər 494 dəfə oxunub






Oxşar xəbərlər

"Bakı-xəbər"in müxbiri Göygöl Məhkəməsində öz "ipi"nə dolaşdı
Moskvada azərbaycanlı güllələnərək qətlə yetirilib
Azərbaycanda milli sosial şəbəkə yaradıldı
Şəbnəmə ərindən 380 minlik hədiyyə EV
Soçidə üçtərəfli sammit: Putin, Ərdoğan və Ruhani
Bakıya yağış, rayonlara leysan yağacaq
ABŞ ərəb koalisiyasından çıxır
“Damlanın sevgilisi sabiq nazirin vəzifəli qohumudur”
Tələbələrin təqaüdləri artırıldı (SƏRƏNCAM)
Mehriban Əliyeva Gəncədəki uşaq evinə baş çəkib
Azərbaycanda korrupsiya daha çox tikinti sahəsindədir?
Söyün Sadıqovun həbsinin GİZLİNLƏRİ
ABŞ və Çin liderləri görüşüə bilər
“Sosial medianın gətirdiyi fəsadlar bizi narahat edir”
İsgəndər Həmidov Qarabağ komitəsindən NİYƏ istefa verdi?
Ən yüksək qazanclı basketbolçular onlardır
Avropa İttifaqı Səudiyyə Ərəbistanının terrorla mübarizəsindən narazıdır
Gürcüstanın Azərbaycana 7,8 milyon dollar borcu var
YAP-da QHT nümayəndələri ilə görüş keçirilib
Qarabağ mitinqinə icazə verilmədi - Sonrası
DTX-nin həbs etdiyi casus - hansı məqsədlə istifadə ediləcəkdi?
Türkiyədə "Xocalı Parkı" AÇILDI
Abel Məhərrəmov Almaniyaya aparıla bilər
Məşhur modeldən iddialı pozlar – Fotolar
Makedoniyanın adı dəyişdi - RƏSMİ
Belçikada tətilə görə bütün hava limanları bağlanıb
“Xaricdə oturum iznini qucaqda oturum izni zənn edənlər” - Deputat
"Dağlıq Qarabağ Azərbaycanın bir parçasıdır"
Azərbaycan Prezidenti mediaya xoş münasibətini ifadə edib
Əli Həsənov könüllülər hərəkatından yazdı
Söyün Sadıqov həbs olundu
Prezident İlham Əliyevin REAL TV-yə müsahibəsi - TAM VİDEO
AB Aşqabada kredit vermədi-Xəzər üçün
QOROSKOP - 12 fevral
Tramp İranı fars dilində təndiq etdi
ÇAQQAL DƏRİSİ VƏ CANAVAR SƏSİ... (yuxulu hekayə)
Prezident kimlərə GENERAL rütbəsi verdi- FOTO
Koreyalı taksi sürücüsü özünə od vurdu
Milli Məclisin ən yaşlı deputatları - SİYAHI
Zahid Oruc STM-in sədri təyin edilib - SƏRƏNCAM
Gürcüstan azərbaycanlıları ayaqda - gözlər rəsmi Tiflisdə
KİVDF-yə ayrılan milyonlar və bağlanan qəzetlər… – Bəs 10 il ərzindəki 100 milyon hara getdi? (ARAŞDIRMA)
Azərbaycan səmasında NAMƏLUM OBYEKT – VİDEO
MAAŞ ARTIMI KİMLƏRƏ ŞAMİL EDİLƏCƏK?
Sumqayıtda 25 yaşlı gənc intihara cəhd edib
DTX maddi xarici xüsusi xidmət orqanlarına işləyən şəxsi həbs edib – FOTO
Gəncədəki "Çökək Hamam" "VEGO" Otelin cəngindən xilas olacaqmı ? - GİLEY
Tural Abbaslı: “Qarabağın adına layiq mitinq təşkil edəcəyik”
Sürücülərin nəzərinə! – Yeni qaydalar gəldi
Model çılpaq fotosunu paylaşdı – FOTOLAR
QOROSKOP – 11 fevral
Qurudulmuş xurmanın FAYDALARI
“Prezidentin bu sərəncamı inqilabi addımdır”
Azərbaycan cüdoçuları Parisdə 2 medal qazanıb
Həbib-Konor döyüşü Hamburqda təkrarlandı -VİDEO
ABŞ Hindistana 4 "Chinook" helikopterini təhvil verib
Əfqanıstan prezidenti "Taliban"a ofis verməyə hazırdır
Jurnalist Bəhruz Quliyevə və mühacir söyüşcüllərə səsləndi: "Təhqirlərinizi durdurun!"
İkram Rəhimov həbsdən şikayət yazdı - ŞOK İTTİHAMLAR + CAVAB
Vəkil: “Onları güllələmək lazımdır”
Əli Həsənov reaksiya verdi: "Jurnalistin müalicəsi nəzarət altındadır"
Qulu Məhərrəmli: "Azərbaycanda müstəqil və tənqidçi media sıradan çıxarılıb"
Mühacir jurnalist Müsavat başqanından istefa tələb edir - SENSASİON İDDİALAR
Natiq Qocamanın xanımı prezidentə müraciət edib
Ötən gün borclu kimi axtarışda olan 50 nəfər saxlanılıb
İki Əliyev və bir Azərbaycan! - Deputatın yazısı
Təhsil ekspertləri və iş adamı ADAU-da olub
Kapitalizm dünyasında hegemon kimdir - solçular, yoxsa sağçılar?
​Avropada türk düşmənçiliyi hardan qaynaqlanır?
Prezident Administrasiyasına ən çox şikayət edənlər - SİYAHI

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Fevral 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.20046] initstartout [0.00013] initstartin [0.00056] calstart [0.00741] calend [0.00059] topnewsend [0.00385] rsssend [0.00000] ehgend [0.03978] tagsstart [0.00068] tag-initendin [0.00000] initendout [0.00001] weathend [0.00000] end [0.14740]