Rüfət Aslanlının Gədəbəydəki villası - FOTOLAR

  • 16 yan 2019, 10:05

Maliyyə Bazarlarına Nəzarət Palatasının sabiq sədri Rüfət Aslanlının Gədəbəydəki villasının fotoları yayılıb. Demokratik.Az xəbər verir ki, fotoları "Qafqazinfo”ya Türkiyənin "Midek İnşaat Sanayi ve Dış Ticaret Ltd. Şti” şirkətindən göndəriblər.

Qeyd edək ki, Türkiyənin "Midek İnşaat Sanayi ve Dış Ticaret Ltd. Şti” şirkətinin nümayəndəsi Mustafa Veysel Güldoğan Maliyyə Bazarlarına Nəzarət Palatasının sabiq sədri Rüfət Aslanlı barəsində Baş prokuror yanında Korrupsiyaya qarşı Mübarizə Baş İdarəsinə müraciət edib. Müraciətdə qeyd olunub ki, 2012-ci ildə R.Aslanlı ilə şirkətin təmsilçisi Murat İyigörür arasında müqavilə imzalanıb.

Razılaşmaya görə, şirkət R.Aslanlıya məxsus Nərimanov rayonunda yerləşən "Roseville Apartments” yaşayış binasında ümumi sahəsi 620 m2 olan, satın alınaraq birləşdirilmiş üç ədəd mənzildə və Gədəbəy rayonunun dağlıq ərazisində yerləşən daşdan tikilmiş qəsr tipli villada quraşdırılması üçün xaricdən daxili dekorasiya məhsulları, texniki avadanlıqlar, lüstrlər, mebellər, ipək xalçalar alaraq gətirib. M.İyigörür həm villa, həm də birləşdirilmiş mənzillər üçün zəruri avadanlıqlardan başqa, R.Aslanlının sifarişi əsasında "Aslanlı” ailə nişanı ilə xüsusi toxunan xalçalar, dəsmallar, qoxulu sabunlar da hazırlatdıraraq keçmiş sədrə göndərib.


Oxşar xəbərlər