Bakıda fəhlə 12-ci mərtəbədən yıxıldı

  • 27 iyun 2018, 10:27

Bakıda tikinti zamanı ölüm hadisəsi baş verib.

"Report” xəbər verir ki, hadisə Səbail rayonunda qeydə alınıb.

Belə ki, gecə saatlarında "20-ci Sahə” adlanan ərazidə yerləşən yaşayış kompleksinin tikintisi zamanı fəhlə, 1985-ci il təvəllüdlü Həsənov Fuad Oqtay oğlu ehtiyatsızlıqdan 12-ci mərtəbədən yıxılıb. O, hadisə yerindəcə ölüb.

Hadisə yerinə Səbail Rayon Polis İdarəsinin 41-ci Polis Bölməsi və Səbail Rayon Prokurorluğunun əməkdaşları cəlb edilib.

Faktla bağlı cinayət işi başlanılıb.

Oxşar xəbərlər