Sumqayıtda cinayətkar “zek” yaxalandı

Sumqayıt şəhəri ərazisindəki köşklərin birindən 35 manat, tütün məmulatı və sərinləşdirici içki oğurlanıb.

Demokratik.Az bildirir ki, Sumqayıt şəhər Polis İdarəsinin 4-cü polis bölməsi oğurluğu törətməkdə şübhəli bilinən, əvvəllər məhkum olunmuş İsmət Eynullayev saxlayıb.

Onun bu il aprelin 29-dan oktyabrın 21-dək olan müddətdə şəhər ərazisində 5 avtomobildən, 1 mağazadan, 1 evdən, 1 qarajdan, 1 həyətyanı sahədən, habelə 3 nəfərin cibdən pul, maqnitofon, mobil telefon, velosiped və məişət əşyaları oğurladığı müəyyən edilib.