“Relax”ın aylıq vergi ödənişi 7 manatdan az olub - Açıqlama

  • 20 avq 2019, 13:35

Vergilər Nazirliyinin bu məsələdə prinsipial mövqeyi təqdirəlayiqdir

"Rəsmi açıqlamadan bəlli olur ki, "Relax” bu ilin 7 ayında cəmi 972 manat vergi ödəyib”.

Demokratik.Az bildirir ki, bunu iqtisadçı-ekspert Vüqar Bayramov dedi.

Onun sözlərinə görə, 20 obyekti olan istirahət mərkəzində hər bir obyekt qeyd olunan müddətdə orta hesabla 48 manat 60 qəpik vergi ödənişi həyata keçirib:

"Hər bir obyektin aylıq vergi ödənişi orta hesabla hətta 7 manatdan da az olub”. 14 hektar sahəsi olan istirahət mərkəzi üçün bu, hər sotdan istifadə də 7 ayda cəmi 70 qəpik vergi ödənişi deməkdir. Bu, hər torpaq sotunun ayda cəmi 10 qəpik vergi ödənişi anlamına gəlir. Qiyməti kifayət qədər yüksək olan və nəinki mövsüm hətta digər aylarda da sıxlıq müşahidə olunan bir istirahət obyektinin ayda belə gülməli rəqəmlər ilə ifadə olunan vergi ödənişləri gizli iqtisadiyyatın miqyasiın göstərən və əslində buna qarşı mübarizənin əhəmiyyətini bildirən faktlardandır”.

 

 

Vüqar Bayramov bildirdi ki, "Relax” az vergi ödəyən birinci şirkət deyildi:

"Sonuncu da olmayacaq. Vergilər Nazirliyinin bu məsələdə prinsipial mövqeyi təqdirəlayiqdir. Birmənalı şəkildə, himayə olunan obyektlərdə vergi intizamının formalaşmasına ehtiyac var. Aydındır ki, qeyri-neft sektorunun inkişafının davamlılığı məhz gizli iqtisadiyyata qarşı mübarizənin hansı səviyyədə səmərli aparılmasından və təbii ki, real sektorda "himayəçiliyin” aradan qaldırmasından asılı olacaq”.

Demokratik.Az 

Oxşar xəbərlər