İngiltərə MN 500-dən çox zirehli transportyor alır

İngiltərə Müdafiə Nazirliyi, 2.8 milyon funt sterlinq (3.61 milyard dollar) dəyərində 500-dən çox "Boxer” zirehli transportyorun alınmasına dair müqavilə imzalayıb.

"Report” "TASS”a istinadən xəbər verir ki, bu barədə məlumat nazirliyin saytında dərc olunub.

İngiltərə Müdafiə naziri Ben Uollas bildirib ki, 2023-cü ildən zirehli transportyorların alınmasına başlanılacaq.

İlkin mərhələdə "Boxer” zirehli transportyorları bir neçə konfiqurasiyada, o cümlədən baza nəqliyyatı, komandanlıq postu, tibbi evakuasiya, eyni zamanda, müxtəlif silahların quraşdırılması üçün əlavə avadanlıqlarla birgə alınacaq.

BTR "Boxer”, Almaniyanın "Rheinmetall” və "Krauss-Maffei Wegmann” şirkətləri tərəfindən istehsal olunur.