GÖZLƏNİLMƏZ! Putin seçkilərdə geri təpdi

  • 10 sen 2019, 17:31

Rusiyada bazar günü keçirilən yerli seçkilərdə müxalifətin "strateji səs verin” çağırışı üzərinə iqtidar partiyası Moskva Bələdiyyə Məclisindəki mandatların üçdən-birini itirib.

Seçkilərdən sonra səslərin hamısı hesablanıb.

Demokratik.Az-ın məlumatına görə, Rusiya prezidenti Vladimir Putinə yaxınlığı ilə tanınan namizədlərin Moskvada böyük itkilər yaşadığı məlum olub. Mətbuatın informasiyasına görə, səslərin əhəmiyyətli qismi müstəqil, kommunist və liberal namizədlərə gedib. İqtidar partiyası olan Vahid Rusiya isə MBM-dəki mandatların üçdən-birini itirib. Məclisdəki 45 mandatın 20-si müxalifətə gedib. Bu ana qədər 45 mandatdan 38-də Putin tərəfdarları vardı.

Qeyd edək ki, müxalif lider Aleksey Navalnıy seçkilərdən əvvəl moskvalılara strateji səs vermək çağırışı etmişdi. O, seçicilərdən Putinin qarşısında ən çox şansı olanlara səs verilməsini istəmişdi.

Rusiyada yerli seçkilərin Putin üçün test niyyətli olduğu bildirilirdi. Vahid Rusiya partiyasına verilən dəstək faizi seçkilərdən əvvəl azalmışdı.

Xatırladaq ki, bazar günü Rusiyada bələdiyyə başçıları və məclislərlə yanaşı, 16 regional vali və 13 bölgə parlamentinə seçkilər keçirilmişdi. /publika.az/

Demokratik.Az

Oxşar xəbərlər