Lavrovdan ABŞ-a sərt ittiham

ABŞ Venesuela prezidenti Nikolas Maduronu hakimiyyətdən uzaqlaşdırmaq cəhdlərini davam etdirir. Halbuki bundan əvvəl amerikalıların Venesuelada dövlət çevrilişi cəhdi uğursuz olub.

RİA Novosti agentliyinin məlumatına görə, bunu Rusiya xarici işlər naziri Sergey Lavrov bəyan edib.

O qeyd edib ki, ABŞ dünyada nüfuzunun zəifləməsinə rəğmən əvəzolunmaz ölkə statusunu qorumağa çalışır və digər dövlətləri sıxışdıraraq boğmaq niyyətindədir.

Lavrov bildirib ki, Vaşinqtonun XXI əsrin reallıqları ilə barışmaq istəməməsi böyük destruktiv gücə malikdir.