Rza Zərrab özünü ABŞ-a satdı
İran əsilli
azərbaycanlı iş adamı Rza Zərrab ABŞ-da keçirilən məhkəmədə prokurorluğun təlimatı
ilə hərəkət etməyə, Türkiyə əleyghinə hazırlanmış ittihamları təsdiqləməyə
razılaşıb. Türkiyə mətbuatı onun ömürlük həbsdə
saxlamaq təhdidi ilə saxta ittihamları qəbul etməyə razı salındığını
bildirilir. / azpolitika.info/
"Associated Press”ə xəbər verir ki, amerikalı prokuror Devid Denton bildirib
ki, Zərrab məhkəmədə İranın həmin ölkəyə qarşı tətbiq edilmiş sanksiyalardan
necə yan keçməsi barədə danışacaq. Eyni zamanda, Zərrab özünü təqsirli bilməyən
türkiyəli bankir Mehmet Hakan Atillanın işində vacib şahid sayılır.
Yəni, ABŞ-dakı FETO-nu idarə edən hərbi-maliyyə dairələrinin Türkiyəyə hakimiyətini
ittiham etmək, hətta mümkün olarsa maliiyyə sanksiyalarına məruz qoymaq üçün
hazırlanmış saxta ittihamnamədə türkiyəli bankir Mehmet Hakan Atillanın əleyhinə
yazılanları təsdiqləyəcək.
Hansı ki həmin ittihamnnamıdə iddia edilir ki, 2011-ci ildən etibarən ABŞ sanksiyalarını yan keçməyə çalışan İranın tətbiq etdiyi sxem milyardlarla dollar toplamağa və Amerikanın təhlükəsizliyini təhdid etməyə şərait yaradıb.
Atillanın vəkili Viktor Rokko da bəyan edib ki, Zərrab istintaqla işbirliyinə gedib və həbsxanadan çıxdıqdan sonra dövlətin himayəsinə sığınaraq, ailəsi ilə birlikdə ABŞ-da qalmaq imkanı əldə edə bilər.
Əslində bir çox ekspertlər Zərrabın əvvəlcədən ABŞ-dakı məlum dairələrlə əlaqədə olduğunu bildirirlər. Sadəcə Türkiyə əleyhinə əllərində hər hansı rəsmi sübut olmadığından, belə bir teatr qurublar. Guya, Rza Zərrab əvvəl təqsirləndirən şəxs idi, sonradan "gizli sövdələşməyə” getdiyi üçün şahidə çevrilib.
Bununla da təlimatla məhkəmədə onun dilindən bəyan ediləcək saxta iddialar, fikirlər məxfi bir məlumat kimi təqdim olunacaq. Sonra da boş iddialar mətbuatda şok məlumatlar kimi təqdim edilib, Türkiyə əleyhinə istiifadə olunmağa çalışılacaq. Bir sözlə oyun böyükdür.
Demokratik.Az