Göygöl sakinləri qazsız qalıb
- 02 sen 2016, 23:29
Avqustun 31-dən etibarən Göygöl rayonunda əhaliyə qazın verilişi dayandırılıb.
Bu barədə Demokratik.Az-a müraciət edən rayon sakinlərinin bildirdiyinə görə, öncədən xəbərdarlıq edilmədən "Azəriqaz İB"-nin yerli qurumları qazı kəsib. Əhali üç gündür ki, qazsız əziyyət çəkir. Məsələ ilə əlaqədar apardığımız araşdırmadan əldə etdiyimiz məlumata görə, ötən ayın 31-də Gəncə-Qazax magistral qaz-boru xəttinin Zazalıdan keçən hissəsində nasazlıq baş verib və hazırda problemin aradan qaldırılması istiqamətində ciddi işlər gedir. Gəncə Regional Qaz İstismarı İdarəsindən Demokratik.Az-a verilən məlumata görə, ərazidə aparılan zəruri təmir-bərpa içləri yekunlaşmaq üzrədir və sentyabrın 3-dən Göygöl rayonuna qazın verilişi tam bərpa ediləcək
..................................................
Bildirək ki, bu gün səhər saatlarından Göygöl rayonuna qazın verilişi bərpa olunub.
Demokratik.Az