Bütün yenilikləri Facebook səhifənizdə izləyin. Yalnız "Bəyənirəm" edin.

15:06 - 19.07.2019  
Dezinformasiya yayan saytların adı açıqlandı...
Tarix: 10-09-2014, 20:17 | Bölmə: Xəbərlər

Dezinformasiya yayan saytların adı açıqlandı...Bu gün Mətbuat Şurasının (MŞ) təşkilatçılığı ilə "Azərbaycanın informasiya təhlükəsizliyi məsələləri media müstəvisində” mövzusunda dəyirmi masa keçirilib.


 Demokratikaz APA-ya istinadən xəbər verir ki, tədbirdə çıxış edən Mətbuat Şurasının sədri Əflatun Amaşov Prezident Administrasiyasının rəhbəri, akademik Ramiz Mehdiyevin media nümayəndələri ilə görüşü barədə danışıb. MŞ sədri bildirib ki, görüşdən bir həftəyə yaxın vaxt keçib və ümummilli məsələlərlə bağlı səslənən fikirlərin KİV-də hansı dərəcədə nəzərə alınması əhatəli müzakirə olunub: "Biz bu tədbirdə daha çox bundan sonra neyləməli olduğumuzu müzakirə edib, media rəhbərlərinin konkret təkliflərini dinləmək istəyirik. Ümummilli məsələlərdə kütləvi informasiya vasitələri eyni mövqedən çıxış etməlidir. Təəssüf ki, cəbhə bölgəsindən gələn xəbərlərdə kifayət qədər anlaşılmazlıq, dağınıqlıq vardı. Yanlış xəbərlər ictimaiyyət arasında çaşqınlıq və ruh düşkünlüyü yaradır”.

Ə.Amaşov atəşkəsin pozulması, hərbi əməliyyatlar haqqında xəbərləri qeyri-peşəkar şəkildə yayan saytların adlarını çəkib: "Əsasən bu xəbərləri "azinform.az”, "gündəmxeber.az”, "sfera.az”, "veteninfo.az”, "olke.az” və s. saytlar tirajladılar”.

"Azərbaycan" qəzetinin baş redaktoru, millət vəkili Bəxtiyar Sadıqov da bu il avqustun əvvəlində ermənilərin cəbhədə törətdikləri təxribat zamanı medianın peşəkarlıq probleminin üzə çıxdığını bildirib. O qeyd edib ki, bu prosesdə qeyri-peşəkarlarla yanaşı məhz qəsdən və planlı şəkildə təxribat xarakterli informasiyalar yayanlar da oldu: "Bu, qəbuledilməzdir".

Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli çıxışında bildirib ki, elektron kütləvi informasiya vasitələrinin qeydiyyat məsələsinə yenidən baxılmalıdır: "Məsələ ondadır ki, informasiya agentlikləri, qəzetlər qeydiyyatdan keçirlər, amma saytlarda vəziyyət fərqlidir. Onlar yalnız domen alıb fəaliyyətə başlayırlar və məlum olur ki, həmin saytlar bir çox hallarda xaricdən idarə olunurlar. Təklif edirəm ki, saytların qeydiyyat məsələsinə yenidən və ciddi şəkildə baxılsın. Bəzi jurnalistlər peşəkardırlar, amma ümummilli məsələlərdə ziyan gətirən xəbərləri qəsdən yayırlar. Onlar Azərbaycan xalqının düşmənidir”.

"İki sahil” qəzetinin baş redaktoru Vüqar Rəhimzadə də çıxışında yalan xəbər yazan resurslarla bağlı həm Mətbuat Şurasının, həm də qanunvericiliyin tələblərinə uyğun sərt addım atılmasını təklif edib.

Millət vəkili, Azərbaycan Mətbuat Şurasının üzvü Musa Qasımlı isə deyib ki, jurnalistlər cəmiyyətin onlara inandığını, yazdıqlarının tarixdə qaldığını, bu yazılarla həm də saxta tarix formalaşdırdıqlarını unutmamalıdırlar.

O deyib ki, cəbhə xəttində 11 əsgərin öldüyünü yazıb, adları açıqlamayanlar həm də orda xidmət edən minlərlə əsgərin valideyninin intizarda qoyurlar: "Mətbuatın azad olması hələ hər şeyi, xüsusilə yalanı yazması demək deyil. Bu problemlərin həlli üçün jurnalistlər məsuliyyətli olmalı və ixtisaslaşmalıdırlar".

"Səs" qəzetinin baş redaktoru Bəhruz Quliyev də mediadakı problemlərdən danışıb. O qeyd edib ki, jurnalistlərin ixtisaslaşmasına ehtiyac var. B.Quliyev bu cür tədbirlərin, KİV-in peşəkarlaşması istiqamətindəki işlərin kampaniya xarakteri daşımamasına çağırıb, daim yeni təklifləri dinləməyə ehtiyac olduğunu vurğulayıb.

"525-ci qəzet"in baş redaktoru Rəşad Məcid də sosial şəbəkələrin və medianın ermənilərin cəbhə xəttindəki təxribatı zamanı olan fəaliyyətinə nəzərə salıb. Baş redaktor belə məqamlarda dövlət strukturlarının mətbuat xidmətlərinin də KİV-lə onlayn rejimdə işləməsinin vacibliyini vurğulayıb.

"APA Holding”in rəhbəri Vüsalə Mahirqızı isə ermənilərin cəbhə xəttində törətdiyi təxribat zamanı KİV-lərin iş prinsipindəki qüsurları iki yerə ayırıb: "Birincilər doğru, lakin rəsmi strukturlarla razılaşmadan çatdırılmasına ehtiyac olmayan informasiyanı yayanlar idi. İkincilər isə ümumiyyətlə heç bir mənbəyi, əsası olmayan dezinformasiyaları tirajlayanlar idi. Çox təəssüf ki, həmin günlərdə xaotik informasiya yarışı baş verdi".

V.Mahirqızı "Kütləvi İnformasiya Vasitələri haqqında” qanuna dəyişikliyin edilməsi ilə bağlı təklif səsləndirib: "Hesab edirəm ki, qanunda saytlarla agentliklərin qeydiyyatı bir-birindən ayrılmalıdır. Agentliklərin yaradılması haqqında şərtlər sərtləşdirilməlidir. Bundan sonra isə "KİV haqqında" qanunda istinadın məsuliyyətdən azad edildiyi hallarda dəyişiklik edilməlidir. İstənilən KİV əgər qeydiyyatdan agentlik kimi keçmiş media orqanına istinad edəcəksə, bu, onu məsuliyyətdən azad edə bilər. Çünki son proseslər zamanı biz gördük ki, 5-10 gün əvvəl yaranmış saytlar dezinformasiya yaydılar, tirajlı, cəmiyyətdə tanınan saytlar da onlara istinadla dezinformasiyaları tirajladılar. Əslində xaos burdan başladı. Ona görə də sayt onunla qeydiyyat sistemində bərabərhüquqlu olan digər saytdan xəbər götürüb, istinad etsə belə bu onu qanun qarşısında məsuliyyətdən azad etməməlidir".

V.Mahirqızı əlavə edib ki, ixtisaslı və peşəkar hərbi jurnalist kateqoriyasının formalaşmasının vaxtı çatıb. "APA Holding”in rəhbərinin təkliflərindən biri də gələcəkdə rəsmi qurumların, ictimai təşkilatların, tanınmış şəxslərin onlar haqqında yalan xəbər yayan resursları "bəzi KİV" adı ilə ümumiləşdirməməsi ilə bağlı olub: "Əgər dezinformasiya yayan saytların konkret adları çəkilərsə, bu, yaxşı bir təsir vasitəsi olar. Həm cəmiyyət onların doğru informasiya vermədiyini görər, həm də reklam verənlər. Heç bir sahibkar məhsulunun insanların inanmadığı, ciddi qəbul etmədiyi resursda yerləşdirmək istəməz".

V.Mahirqızı həmçinin müvafiq qurumların mətbuat xidmətlərinin də bu məsələdə adekvat reaksiya vermələrinin vacibliyini vurğulayıb: "Bu tədbirlər və müzakirələr həm də müvafiq qurumların mətbuat xidmətlərinin KİV-lə online rejimdə, daha operativ və sıx işləməsinin vacibliyini şərtləndirir. Hörmətli Ramiz Mehdiyevin də qeyd etdiyi kimi həmin qurumların da media ilə işləməsində bəzi boşluqlar müşahidə olundu".

"Yeni Müsavat” qəzetinin baş redaktoru Rauf Arifoğlu da mətbuat xidmətlərinin iş rejiminin operativləşməsinin vacibliyini vurğulayıb. R.Arifoğlu müşavirədə media qurumları ilə bağlı söylənilən iradların böyük çoxluğunu qəbul etdiyini və haqlı hesab etdiyini də bildirib: "Təklifin ondan ibarətdir ki, Mətbuat Şurasında təcrübəli redaktorlardan ibarət operativ qərargah yaradılsın. Xüsusilə hərbi fövqəladə vəziyyətlər olanda həmin qərargah dərhal işə başlasın və medianın normal, dəqiq və operativ xəbərlə təmin olunmasına yardım göstərsin".

Mətbuat Şurasının üzvü Azər Həsrət isə dünya təcrübəsindən, hərbi vəziyyətlərdə dünyanın başqa ölkələrindəki media qurumlarının iş prinsipindən misallar gətirib.

"Gündəlik Teleqraf" qəzetinin baş redaktoru Aynur Camalqızı da səslənən təklifləri bölüşdüyünü deyib və baş redaktorları təkliflərini yazılı şəkildə Mətbuat Şurasına təqdim etməyə çağırıb. O hesab edib ki, məsələnin qanunvericilik tərəfi də həllini tapmalı, saytların və agentliklərin qeydiyyatı məsələsinə yenidən baxılmalıdır. A.Camalqızı deyib ki, Prezident Adminstrasiyasının rəhbəri Ramiz Mehdiyevinin redaktorlarla son görüşündən sonra rəhbərlik etdiyi media orqanlarındakı saytlarda sayğaclar və yazıların oxunma sayları yığışdırılıb: "Artıq cəbhə ilə bağlı qeyri-rəsmi xəbərlərdən imtina etmişik, yalnız Müdafiə Nazirliyinin verdiyi rəsmi xəbərləri yayacağıq”. A.Camalqızı da hesab edib ki, bu məsələdə yalnız medianın ittiham olunması doğru deyil: "Müvafiq nazirliklərin mətbuat xidmətləri də məsuliyyəti dərk etməlidirlər. Müdafə Nazirliyi lazımsız və zərərli hesab edilən xəbərlər barədə mətbuata məlumat verməlidir. Çünki həmin günlərdə buna ehtiyacımız oldu".
Xəbər 2866 dəfə oxunub






Oxşar xəbərlər

“KİVDF ləğv olunmalıdır” – Mehman Əliyev
Elçibəydən oğurlanan 200 min dollar üzə çıxdı - ŞOK VİDEO
Aİ-dən Türkiyəyə 1,41 milyardlıq yardım
“S-400”ləri yaradan azərbaycanlı (FOTOLAR)
Aqil Abbas Oqtay Şirəliyevi “yıxıb-sürüdü”
AXH-nin yürüş müraciəti rədd edildi
Gəncə Dövlət Universiteti yenə "VURULDU" - NİYƏ?
Leyla Yunusdan Elçibəyə ağır ittihamlar - Əli Kərimli niyə susur?
Bəşər Əsədin qardaşına məxsus qüvvələrə hücum olub
Okean dibində üzən ÜNO-lar barədə - VİDEO
Azərbaycanda əmək haqqı artırıldı
Mələk Çakmak ADAU-da mühazirə söyləydi
AQTA-nın MÜƏMMALI TENDERİ – Heyvan kəsimi üçün çadıra 1 milyon manata yaxın pul verilib
XƏYANƏTİN QURBANI HÜSEYN CAVİD – Tarix heç kimi unutmur!
ANS "Gelandevagen" xəbərinə cavab verdi
Rusiyada 10 gizli silah emalatxanası aşkar edilib
Əflatun Amaşov da Keşikçidağ BARƏDƏ
Ermənilər Göygöldə traktora atəş açdı
Elçibəyin təsis etdiyi “Şah İsmayıl” ordeni – Niyə indiyədək heç kimə verilməyib? – AÇIQLAMA
Ramaldanov: “Keşikçidağda sərhədçilərimiz çox doğru hərəkət ediblər”
Baş mühasib 2 il sonra DİN-i niyə ittiham edir? – Rəsmi
Əli Əhmədov BMT-də çıxış edib
Həbsxanada işgəncə: yeni şok kadrlar - VİDEO 18+
FİFA referisi Azərbaycandan gedir
Ərdoğana məktub: Zakir Fərəcovun qardaşını Türkiyədə aldadıblar
Sosial şəbəkələr çökdü
Vahid Mustafayev “Galenvagen”lə qayda pozdu
Bu gün Şah İsmayıl Xətainin doğum günüdür
Rəşid Mahmudov Keşikçidağa görə XİN-i sərt tənqid etdi - VİDEO
Azərbaycan əhalisinin sayı açıqlanıb
1 nömrəli "qanuni oğru"nun həbsinin “Quli”yə nə dəxli?
Türkiyənin taleyi üç il öncə dəyişsəydi - VERSİYALAR
Eldar Mahmudovun gəlini Azərbaycandan pul tələb edir
“Google” casusluq iddialarına cavab verdi
Aİ Komissiyasında ilk qadın prezident
Cavad Zərif ABŞ-la danışıqların şərtlərini açıqladı
İlin ikinci Ay tutulması başlayıb
“Qaynar Qazan”da Mirşahin Ağayev: “Dövlət İlham Əliyevdir…
Şəki Xan Sarayındakı qəzada ölən müəllimə (FOTO)
Əli Həsənov “Keşikçi qala” olayına münasibət bildirib
Dilqəm Əsgərov sağdırmı? – Oğlundan həyəcanlı MƏKTUB
“Sərhəddi keçən güllələnməlidir” - ÇAĞIRIŞ
Dolların sabaha MƏZƏNNƏSİ
Metroda siqaret çəkən tapıldı və cərimələndi - FOTO
ƏSABƏLİ MUSTAFAYEV: “Avropa Məhkəməsinə göndərdiyim sənədlər “Azərpoçt”da oğurlanır”
Keşikçidağa giriş qadağan edildi - Gürcüstandan mühüm və zəruri addım
Mübariz Məsimov – Azərbaycanı evi sayan adam
Xalq Cəbhəsini kimlər və necə yaradıb?
Qüdrət Həsənquliyevlə şahmat arxasında MÜSAHİBƏ
AVRO-2020: Bilet sifarişində rekord qeydə alındı - 19,3 milyon
Saakaşvili gürcü və Azərbaycan xalqlarına müraciət etdi
Fazil Məmmədovun qohumu rəis təyin edildi
Gürcüstanla sərhəddə nə baş verir? - PROVAKASİYA
Almaniyanın müdafiə naziri istefa verəcəyini açıqlayıb
Polis Akademiyasının builki məzunlarıyla görüş keçirilib
"Huawei" ABŞ-da yüzlərlə işçisini ixtisar etmək niyyətindədir
Putinin müəllimi vertolyot qəzasında öldü
Şəki Xan Sarayında xəsarət alanların vəziyyəti açıqlanıb
İsrail Türkiyəyə gələn S-400-ləri izləyir - Foto
Yalçın Rzazadə Türkiyəyə aparıldı
MN: Cəbhə xəttində nisbi sakitlik müşahidə olunub
Göygöldə ANARXİYA - Arif Seyidov bələdiyyələrin əli ilə torpaqları talayıb
Şəki sakini sosial yardım ala bilmir - şikayət
ATV prezidentinin bank hesabından külli məbləğdə pul yoxa çıxıb
Göygöldə kasıbları aldadan "TORPAQ BARONLARI" bələdiyyədə torpaq qoymadı - VİDEOŞİKAYƏT + FOTOLAR
Mətbuat Şurasının sədri Baş Prokurora müraciət etdi
Baş Prokurorluq deputata CAVAB verdi
Nəriman Nərimanovun qardaşı oğlu gömrükçülər tərəfindən aldadıldı ?
Qubada qəbiristanlıqda top mərmiləri tapılıb
Eldar Əzizov keçmiş müavininə vəzifə verdi

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    İyul 2019    »
BeÇaÇCaCŞB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.10822] initstartout [0.00012] initstartin [0.00055] calstart [0.00686] calend [0.00037] topnewsend [0.00285] rsssend [0.00000] ehgend [0.00449] tagsstart [0.00043] tag-initendin [0.00000] initendout [0.00001] weathend [0.00000] end [0.09251]