MTN işində gəlişmə: İcra başçısı izahat verdi
- 07 fev 2017, 20:43
Göyçayın sabiq icra başçısı,
Kənd Təsərrüfatı Nazirliyinin (KTN) Texniki siyasət şöbəsinin müdir müavini
Mübariz Ağayev MTN işi üzrə dindirilib.
Verilən xəbərə görə, M.Ağayev Milli Təhlükəsizlik Nazirliyinin (MTN) Antiterror
Mərkəzinin rəis müavini vəzifəsində çalışmış, Bakı İstintaq Təcridxanasında
intihar etdiyi bildirilən İlqar Əliyevlə əlaqələri ilə bağlı sorğu-sual olunub.
İstintaqda dindirilən M.Ağayevin onunla münasibətlərinin olduğu üzə çıxıb. Amma
bu əlaqələrin işbirliyi yoxsa şəxsi müstəvidə olduğu redaksiyamıza
açıqlanmayıb.
Məlumatda deyilir ki, İ.Əliyevin intiharından sonra Göyçayın icra başçısı onun
yasında iştirak edib. Bütün bu detallar onun Göyçayla vidalaşmasına səbəb olub.
İntihar etmiş MTN vəzifəlisinin qardaşı İsmayıl Əliyev "Yeni Müsavat” qəzetinə
müsahibəsində də dolayısı ilə faktı təsdiqləyib.
İsmayıl Əliyev bildirib ki, qardaşının həbsindən sonra keçmiş iş yoldaşlarından
heç kim onlara baş çəkməyib: "Heç kim gəlmirdi. Min ilin dostları gəlib bizə
salam vermirdilər. Qorxurdular ki, əlaqəni müəyyən edərlər.
Vəzifədə olanlar xüsusən qaçır bizdən. İlqarın ətrafında olanlar atamın hüzrünə
gəlmədilər. Bircə Mübariz müəllim gəldi. İlqarın hüzründə, gələ bilməmişdi, xəstə
olmuşdu, amma gəlib başsağlığı verdi”.
Məlumata görə, M.Ağayevin məsələsi prezidentə çatıb. Hətta havadarı olan nəqliyyat
naziri Ziya Məmmədova da söz gəlib. Bundan sonra nazir qudası olan Heydər Əsədovdan
ona KTN-də bir şöbə müdiri verməsini xahiş edib.
Məlumatlara görə, M.Ağayevlə intihar etmiş MTN-çinin dostluğu olub və müəyyən mətbu
məsələləri həll ediblər. Hər halda onun ailəsini başsağlığa getməsi münasibətlərin
sıxlığından xəbər verir.
24saat.org