Atatürkün oxşarları mübahisə etdi: “Ən çox mən oxşayıram...”

  • 17 noy 2019, 18:31
Atatürkə bənzərlikləriylə tez-tez gündəmə gələn oxşarları yenə mübahisələrə başlayıblar.
Onların Atatürk uğrunda bu cür mübahisələri isə vətəndaşlar tərəfindən qınanıb. Bildirilir ki, bu işin başında ən çox Göksal Qaya dayanır. O, Atatürkə daha çox oxşadığını iddia edir.
Göksal Qaya teatr və film aktyorudur. Onu daha çox verilişlərdə görmək olur. O, "Çanakkalə Ruhu” adlı filmdə də Atatürkü canlandırıb. G.Qaya açıqlamasında bunları deyib: 
"Xalqda bir Atatürk həsrəti var və məni görəndə bununla təsəlli tapırlar. Mən aktyoram”. 
Milli Təhsil Müfəttişliyindən təqaüdə çıxan və Bursa da yaşatan Nejdet Bardak da teatr və kino aktyorudur. N.Bardak isə açıqlamasında ən çox onun Atatürkə bənzədiyini bildirib: 
"G.Qayanın sözlərindən çox narahatam. Bu adam ciddi şəkildə özünü paşa hesab edir. Atatürkə ən çox mən bənzəyirəm. O biriləri isə makiyajla özlərini bənzədirlər”. 
Ud ifaçısı Əli Ayxan isə İstanbul Universitetinin Dövlət Konservatoriyasında müəllim işləyir.  Ə.Ayxan da Atatürkə bənzərliyi ilə seçilir. O, açıqlamasında, "Yolda məni görəndə boynuma sarılırlar. Amma heç birimiz Atatürk ola bilmərik”-deyib. /moderator.az/

Oxşar xəbərlər