Bütün yenilikləri Facebook səhifənizdə izləyin. Yalnız "Bəyənirəm" edin.

01:19 - 18.09.2019  
Xocalı canisi Köçəryan həbsdən necə qurtulub?
Tarix: 15-08-2018, 09:32 | Bölmə: ---

Paşinyan "Qarabağ klanı” qarşısında niyə geri çəkildi? Politoloq: "Qatillərdən təşkil olunan ”Qarabağ klanı”nın üzvləri birbaşa Rusiya ilə əlbir şəxslər olublar...”

Xocalı canisi Köçəryan həbsdən necə qurtulub?27 iyulda həbs olunmuş Ermənistanın ikinci prezidenti Robert Köçəryanın 13 avqustda Apelyasiya Məhkəməsinin qərarı ilə azadlığa buraxılması həm gözlənilən oldu, həm də təəccüb doğurdu. Ona görə gözlənilən idi ki, getdikcə mövqelərini itirən Nikol Paşinyanın Rusiya təzyiqləri qarşısında artıq duruş gətirə bilmədiyi aydın görünür.

Xüsusilə də prezident Putinin telefon zəngindən və Rusiya XİN rəhbəri S.Lavrovun Ermənistan hakimiyyətinə yönəlik sərt açıqlamasından sonra Paşinyanın Kremldə qıcıq doğuran addımlardan yayınacağı bəlli idi. Kollektiv Təhlükəsizlik Müqaviləsi Təşkilatının (KTMT) baş katibi Xaçaturovun həbsdən operativ buraxılması da Moskvanın sərt "baxışları” nəticəsində baş vermişdi. Ermənistan məhkəməsi hətta girov müqabilində barəsində həbs-qətimkan tədbiri dəyişdirilmiş Xataturova ölkədən kənara çıxmaq, səlahiyyətlərinin icrasını davam etdirmək şansını tanımışdı ki, bu da nonsens sayıla bilər. N.Paşinyan çox çalışdı ki, Xaçaturovu başqa bir erməni generallar əvəzləsin, lakin Moskva onun icazəsi olmadan atılan addıma görə Ermənistanı cəzalandırmaq xəttini tutdu və sonda baş katibin azadlığına nail oldu.

Ermənistanda politoloqlar və siyasi şərhçilər sabiq ölkə prezidenti Robert Köçəryanın azadlığa buraxılmasını həm təqdir ediblər, həm də "köhnə hakimiyyətin təzyiqinin hələ də mövcud olduğunu” iddia edərək etirazlarını bildiriblər. Bəziləri isə hadisəni "Moskva amili” ilə əlaqələndirib.

R.Köçəryan çox ağır ittihamlarla həbs edilmişdi. Xatırladaq ki, 2008-ci il martın 1-i və 2-də prezident seçkilərinin "nəticələrinin saxtalaşdırılması sayəsində” Serj Sərkisyanın qələbəsini tanımayan minlərlə insanın iştirak etdiyi fasiləsiz etiraz aksiyalarının hakimiyyət qüvvələri tərəfindən dağıdılması nəticəsində 10 nəfər, o cümlədən, 2 polis əməkdaşı ölmüş, 200-dən çox insan xəsarət almışdı.

Ancaq onun bu tezliklə azadlığa çıxacağı inandırıcı deyildi. Robert Köçəryan barəsində birinci instansiya məhkəməsinin həbs-qətimkan tədbirini dəyişmək haqqında qapalı proses avqustun 9-da başlayıb və iki gün davam edib. Daha əvvəl Ermənistan Baş Prokurorluğuna 40-dan çox Ermənistan millət vəkili eks-prezident Robert Köçəryanın həbs-qətimkan tədbirinin dəyişdirilməsi üçün müraciət etsə də, onların müraciəti rədd edilmişdi. Bunun ardınca qəfil nə baş verdi ki, o, sərbəst buraxıldı?

Bir sıra Köçəryan tərəfdarları ilə Apelyasiya Məhkəməsi yanında olan Serj Sərkisyanın rəhbərlik etdiyi Ermənistan Respublikaçılar Partiyasının (ERP) mətbuat katibi, parlament sədrinin müavini Eduard Şarmazanov deyib ki, eks-prezidentin "həbsdə qalması adekvat olmazdı”. "İkinci prezident barəsində həbs-qətimkan tədbirinin əsaslandırılması ən azı müəmmalıdır. Çünki görünməmiş haldır ki, sabiq prezidenti şahid kimi dəvət edib, yarım saat içində deyirlər: sən müttəhimsən və həbs edirlər”, - jurnalistlərə Şarmazanov deyib ("BBC News” azərbaycanca) Vəkil Ruben Sahakyan isə məhkəmənin qərar çıxararkən sabiq prezidentin toxunulmazlıq statusuna əsaslandığını bildirib. "Heç bir şəxs öz vəzifə borcunu yerinə yetirərkən və vəzifəsini tərk etdikdən sonra öz statusundan irəli gələn hərəkətlərinə görə cinayət məsuliyyətinə cəlb edilə bilməz. Məhkəmə Robert Köçəryanın toxunulmazlığını nəzərə alaraq, birinci instansiya məhkəməsinin qərarını ləğv edib, vəkillərin şikayətini təmin etdiyini bəyan edib”, - Ruben Sahakyan deyib.\

Düzdür, R.Köçəryanla bağlı Kremlin birmənalı açıq mövqeyi olmadı. Amma pərdə arxasında hansı müzakirələrin aparılmasından təbii ki, geniş ictimaiyyət xəbərsizdir. O da istisna deyil ki, hakimiyyətdə olduğu 10 il ərzində Rusiyanın Ermənistandakı varlığı üçün əlindən gələni etmiş R.Köçəryan müdafiəsiz qala bilməzdi. Üstəlik, Köçəryanın həbsi "Qarabağ klanı”nın dayaqlarının da sarsıdılması, həmçinin digər cani eks-prezident Serj Sərkisyanın azadlıqdan məhrum edilməsi ilə sonuclana bilərdi. Təsadüfi deyil ki, S.Sərkisyan ötən həftə İtaliyadan Ermənistana dönən kimi, Azərbaycanın işğal altındakı ərazilərinə gəldi. Sərkisyan "anası ilə görüşmək üçün gəldiyini” iddia etsə də, əksər müşahidəçilər burada siyasi məqsədin olduğunu istisna etmədi.

Şübhə yox ki, S.Sərkisyan N.Paşinyanın qəzəbindən qorunmağın bir yolunu Dağlıq Qarabağa, separatçıların arasına sığınmaqda görüb. 10 illik hakimiyyəti dönəmində və ondan əvvəl Sərkisyan Qarabağdakı sərvətlərimiz hesabına milyardlara sahib olub, eyni zamanda onu müdafiə edən terrorçu qüvvələri də "yemləməyi” bacarıb. Bu mənada onun işğalçı ordunun içərisində də kifayət qədər dəstəkçilərinin olduğunu demək olar. O mənada S.Sərkisyanın günün birində Qarabağdan Paşinyana ultimatum verməsi də gözlənilən idi.

Yeri gəlmişkən, avqustun 10-da Ermənistan xüsusi istintaq xidmətinin rəisi Sasun Xaçatryanın Dağlıq Qarabağa gələrək baş separatçı Bakoo Saakyanla görüşməsi də ilginc idi. Bu görüş o zaman baş tutdu ki, S.Sərkisyan Xankəndinə, "anasının yanına” gəlmişdi. Tamamilə mümkündür ki, Xaçatryan eks-prezidentlə bağlı "dosye”ləri gətirərək onu özü ilə aparmaq istəyib. 

Elə avqustun 13-də Ermənistanın Xüsusi İstintaq Xidmətinin Apelyasiya Məhkəməsinin eks-prezident Robert Köçəryan barədə çıxardığı qərarı "qanunsuz” sayması da maraqlı məsələdir. Məlumata görə, 28 iyulda həbs edilmiş keçmiş prezidentin azadlığa buraxılması ilə bağlı qərara etiraz edən İstintaq Xidməti bununla Apelyasiya Məhkəməsinin öz səlahiyyətlərini aşdığını vurğulayıb. "İnanırıq ki, Baş Prokurorluq kasasiya şikayəti verəcək”- açıqlamada deyilir. Deməli, Xaçatryan Qarabağa əbəs yerə gəlməyibmiş. Yəni "Qarabağ klanı”nın ikinci lideri barədə prosesi davam etdirdiyi halda, R.Köçəryanın sərbəst buraxılması ona sürpriz olub.

Politoloq Arzu Nağıyev "Yeni Müsavat”a bildirdi ki, Apelyasiya Məhkəməsinin Robert Köçəryanın vəkillərinin şikayətini təmin edərək onun haqqında qəbul edilən həbs-qətimkan tədbirini ləğv edərək azadlığa buraxması təsadüfi deyil:"Təbii ki, bu, tək vəkillərin şikayəti əsasında olmayıb. Burada səbəb kimi onun eks-prezident kimi toxunulmazlığı səbəb gətirilir. Bu məsələnin həllinə isə Ermənistan parlamentində bu gün də çoxluq təşkil edən Sərkisyanın rəhbər olduğu Respublika Partiyası iddia qaldırmaqla nail oldu. Guya ki, Ermənistanın ikinci prezidentinin həbsi dövlətin imicinə zərbə vurur və bu demokratiyaya və qanunların aliliyinə ziddir. Hətta iddia olundu ki, bu, daxili siyasi proseslərə də zərbə vurur, insan haqlarının tapdalanması və hüququn pozulması kimi fikir yaradır”.

Ancaq A.Nağıyevin fikrincə, inandırıcı deyil ki, burada Rusiya faktoru rol oynamayıb: "Çünki qatillərdən təşkil olunan ”Qarabağ klanı"nın üzvləri birbaşa Rusiya ilə əlbir şəxslər olublar və Levon Ter-Petrosyanın prezident seçilməməsi üçün bir mərkəzdən təlimatlanıblar. Lakin bu, o demək deyil ki, Köçəryana qarşı qaldırılan cinayət işi tam xətm oldu. Bu, inandırıcı görünmür. Çünki belə olduğu halda Paşinyan hakimiyyəti öz qarşısına qoyduğu məqsədə çata bilməyəcək. Bundan öncə parlamentin 45 deputatı Köçəryanın azad edilməsi ilə bağlı müraciət etsə də, prokuror onu həbsdə saxladı. Deməli, tapşırıq siyasi xarakterlidir və hakimiyyətin ən yuxarı eşelonundan, daha doğrusu, Paşinyandan gəlir. Xaçaturovla müqayisədə Köçəryan Rusiya üçün elə də vacib fiqur deyil, lakin bir çox qanunsuz əməllərin icraçısı və şahididir. Buna görə də təbii ki, onun sahiblərinə nə qədər azadlıqda olsa xeyirdir. Paşinyan üçün təbii ki, seçkilərə qədər böyük çətinliklər var. Avqustun 17-də təşkil ediləcək mitinqlərdə bir sıra məqamlara da aydınlıq gətirilməlidir. Ola bilsin, Paşinyan buna görə və eyni zamanda Rusiya ilə də konfrontasiya yaratmaq istəmir. Amma bu proseslərin "Qarabağ klanı” tərəfindən demarş olması o qədər də inandırıcı görünmür".

Bu arada Ermənistanın baş naziri Nikol Paşinyanın oğlunun işğal altındakı Dağlıq Qarabağda hərbi andiçmə mərasiminə qatılması barədə xəbərin tirajlanması da daxili auditoriyaya hesablanıb. N.Paşinyan 17 avqustda İrəvandakı 100 günlük hesabatından qabaq bölgələrdə görüşlər keçirir, əhalini dinləyir, "xalqın  adamı” olduğunu sübut etməyə çalışır. Eyni zamanda oğlunu "ön cəbhəyə” göndərəcəyi barədə vədinə əməl etdiyini nümayiş etdirir. Lakin bütün bunlar həm də onun "Qarabağ klanı” ilə bağlı ssenarisindən imtinasının fonunda baş verir. Paşinyan faktiki olaraq geri çəkilir.

Ancaq gələn il keçiriləcək parlament seçkilərinə qədər o, əlindəki kapitalı sonuncu dramına qədər xərcləyə və dramatik situasiya ilə üz-üzə qala bilər. Qərbə reveranslar edən Paşinyan Rusiyanın qəzəbi ilə üz-üzədir. Təsadüfi deyil ki, baş nazir Tavuş vilayətində görüş zamanı Köçəryanın həbsi ilə bağlı sualı cavablandırmaqdan yayınmışdı. Ancaq çətin ki, Rusiya olanları unutsun. Bunun cavabı mütləq olacaq. Xaçaturovdan sonra Köçəryan da Moskvanın işarəsi ilə azadlığa çıxdı.

Bu arada məlum olub ki, Ermənistanın axtarışda olan keçmiş müdafiə naziri Mikayıl Arutyunyan Moskvada gizlənir (axar.az). "Qraparak” qəzetinin yazdığına görə, hüquq-mühafizə orqanları Arutyunyan haqqında məlumatlı olsalar da onu Rusiya vətəndaşı olduğu üçün həbs edə bilmirlər. Yada salaq ki, Arutyunyan bundan öncə 1 mart qırğınlarında günahkar bilinib və qiyabi olaraq həbsə məhkum edilib. Sonradan rəsmi İrəvan Arutyunyanı beynəlxalq axtarışa verib.

Eks-prezidentlər R.Köçəryan və S.Sərkisyan isə sakit oturmayacaqlar. Artıq onlar Paşinyanı "dişə vurdular” və bundan sonra çətin ki, ona fürsət versinlər. Hələ həbs olunduğu dönəmdə Köçəryanın tezliklə həbsdən çıxacağı və hakimiyyətə gəlmək üçün revanşa başlayacağı barədə təxminlər var idi. Gözləyək...

Xəbər 1548 dəfə oxunub






Oxşar xəbərlər

TƏDBİR! Mətbuat Klubu öz işini bərpa edir - VİDEO
Vaqif Əsədov "1 manatlıq" taksilərdən danışdı
Azərbaycanda kredit təşkilatı satılıb
Nikol Paşinyan ABŞ-a səfərə gedir
Salyan-Şirvan yolunun yenidən qurulmasıyla bağlı prezidentə təşəkkür - VİDEO
Qabuniya Putini niyə söydüyünü açıqladı
Bakı sakini polis əməkdaşlarını da yandırmaq istədi
İTV-nin direktoru robota müsahibə verdi - Video
Zöhrə Abdullayeva oğlunun ölümündən sonra ilk dəfə efirdə belə danışdı
“Tək yatır, əri yoxdu…” - Hadisəyə söz atdı
Bakıda arvadını yandırmaq istədi - tutuldu
Pentaqon Trampı təkzib edib
Gənc Tamaşaçılar Teatrının tavanı çöküb
Milli Şuranın mitinq oyununun pərdəarxası - sensasion iddialar
BMT Baş Assambleyasının 74-cü sessiyası başlayır
Əflatun Amaşov ÜMŞA-nın sədrinin birinci müavini seçildi
Bakının xilas gününü işğal kimi qələmə verənlər var (?!)
Qubanın icra başçısı 700 bal toplayanlara maşın verəcək
Aytəkin Alxaslı "100 illik” medalı ilə təltif edilib
Rus məmur Naftalanda "şokolad"a girdiyi üçün işdən qovulacaq
Qəzet bir hərf səhvi ilə Stalinə “qavnokomanduyuşi” yazdı, güllələnmə aldı
Bədii gimnastika üzrə dünya çempionatı Bakıda keçirilir - Prezident və xanımı açılışda
Türkiyənin Vitse-prezidentinin Azərbaycana rəsmi səfəri başa çatıb
Ukrayna müdafiə xərclərini 10 milyard dollara çatdıracaq
Tramp İranı hədələyib
Vilayət Eyvazov: “..cinayətlərin sayı azalıb”
General Vaqif Axundovun AD GÜNÜNƏ - TƏBRİK!
Azərbaycan Ordusunun genişmiqyaslı təlimləri başlayıb
İlham Əliyev və xanımı 300 saylı məktəbin açılışda
Şumaxer müalicə kursundan sonra Fransanı tərk edib
Neftin dünya bazarında qiymətləri 19% bahalaşıb
Azərbaycanda yeni dərs ili başlayıb
Mübariz İbrahimovun ev muzeyi tamamlanmaq üzrədir - VİDEO
Ruhani Türkiyəyə getdi
Zakir Həsənov müharibə ANONSU edib
Qaxda 17 yaşlı oğlan bıcaqlanıb
Zakir Həsənov MİQ-29 qəzasından danışdı
"Kasıblamış" Vidadi Zeynalovun Türkiyədəki əmlaklarının SİYAHISI
Tünisdə prezident seçkilərində səsvermə bitib
Əli Həsənov Nuru paşadan yazdı - "Fateh komandan.."
Eynşteynin nisbilik nəzəriyyəsi sübut olundu
Təəssüf ki, axmaqlıq onu gəzdirənə əzab vermir…
Bakı erməni-bolşevik işğalından necə azad edildi
"15 sentyabr PAYTAXT günü elan olunmalıdır!" - Qulu Məhərrəmli
Nazilə əri ilə şəklini paylaşdı - müzakirəyə səbəb oldu
Prezident Bilik Günü münasibətilə "Facebook"da paylaşım edib
101 il öncə - Bugün Bakının azad olunduğu gündür
Rəşid Behbudovun sirli ölümü: “Məni aradan götürəcəklər” - TARİX
İlham Əliyev iki yeni səfirin etimadnaməsini qəbul edib
Mehriban Əliyeva Şamaxı Cümə məscidində - FOTOLAR
Güləşçimiz dünya çempionatında finala çıxıb
Evlərin qiymətində bahalaşma davam edir
Kürd siyasətçi: "PKK böyük qırğınlar törədə bilər"
Azərbaycan Qarabağla bağlı diplomatik hücuma keçdi
Baş Prokurorluqdan Firudin Ələkbərli ilə bağlı açıqlama
Gələn il dövlət büdcəmiz nə qədər olacaq ? - RƏSMİ
Mingəçevir su anbarı və onun təhlükəsizliyi - ANALİZ
“Sami Yusif mahnıya bəsit yanaşıb" - Analiz
Adam oğurlayaraq işgəncə verən idmançımız barədə FAKTLAR
Putin Dağıstan səfərində müsəlmanlarla araq içdi – “İmamların 3-də…” -VİDEO
AİLƏSİ ONU AXTARIR
Gəncə sakinindən narkotik maddə götürülüb
Əhməd Davudoğlu AKP-dən istefa verib
Veronika Kastro karyerasını bitirdi
Sabiq məhkəmə sədrinin qatili Arif Əsgərovun qudasıdır
İsrailin aerokosmik şirkəti Azərbaycan bazarına gildi
Bakıda istifadəyə yararsız 1 tona yaxın quş əti aşkarlanıb
Qızıl bazarı bahalaşdı, gümüş isə...
Bakıda "Fiat" 70 yaşlı kişini vurub öldürdü
“Özlərini “fədai” adlandıran qoçular peyda olub” – Mübariz Mənsimov

Bütün xəbərlər

2019 - SARI QABAN NƏLƏR VƏD EDİR?
love HƏR ŞEY "QABAN" KİMİ OLACAQ
love DEMOKRATİYAYA DOĞRU BİR AZ DA İRƏLİLƏYƏCƏYİK...
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Sentyabr 2019    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.35054] initstartout [0.00023] initstartin [0.00093] calstart [0.01229] calend [0.00080] topnewsend [0.00736] rsssend [0.00000] ehgend [0.01097] tagsstart [0.00098] tag-initendin [0.00000] initendout [0.00001] weathend [0.00000] end [0.31692]