Bütün yenilikləri Facebook səhifənizdə izləyin. Yalnız "Bəyənirəm" edin.

14:42 - 18.11.2018  
Sarkisyan hakimiyyətə qayıdır? - Qarabağ ABŞ-ın gündəliyində
Tarix: 28-05-2018, 17:45 | Bölmə: ---

Sarkisyan hakimiyyətə qayıdır? - Qarabağ ABŞ-ın gündəliyində Ermənistanda küçə etirazları nəticəsində baş nazir dəyişikliyi baş versə də, hələlik bunu tam hakimiyyət dəyişikliyi adlandırmaq mümkün deyil. O səbəbə ki, parlamentli idarəçilik sisteminə keçmiş işğalçı ölkənin qanunverici orqanında - parlamentdə çoxluq hələ də devrilən baş nazir Serj Sərksiyanın Respublika Partiyasına məxsusdur. Ayrı sözlə, Ermənistanda inqilabın qələbəsi "maddiləşməmiş” qalır. 

Bu vəziyyəti yalnız erkən parlament seçkiləri dəyişə bilər. Lakin ona qədər yeni baş nazir Nikol Paşinyan seçki məcəlləsinə dəyişikliklər eləmək istəyir ki, bu da yenə də parlament çoxluğun izni ilə mümkündür. Necə deyərlər, dairə qapanır. 

Əgər seçkilərə kimi, üstəlik, Paşinyan bəzi səhvlərə yol versə, - bu isə tamamilə mümkündür, çünki o, xalqa reallaşması çərin olan xeyli vəd verib, - o zaman onun baş nazirliyi gerçəkdən də uzun sürməyəcək və marığa yatan "Qarabağ klanı”nın revanşı qaçılmaz olacaq. Hətta "Qarabağ klanı” bu arada Kremlin də narazı olduğu qərbpərəst N.Paşinyanın cəbhədə 2016-cı ilin aprel sindromuna bənzər lokal uğursuzluq yaşamasında maraqlı ola bilər.

***** 
"Ermənistanın sabiq baş naziri Serj Sərksiyan bundan sonra da Respublika Partiyasının lideri kimi qalacaq. Partiya rəhbərinin əvəzlənməsi məsələsi hazırda gündəmdə deyil”. Musavat.com-un məlumatlına görə, bunu parlamentin sədri, hakim partiyanın üzvü Ara Babloyan yerli mediaya deyib. Babloyan partiyanın Paşinyanla seçki reformaları ilə bağlı danışıqlara hazır olduğunu da söyləyib.


Hərçənd, Sərkisyanın hələ də partiya sədrliyində qalmasının özü Paşinyana aydın bir siqnaldır ki, o siyasi məğlubiyyətlə barışmayıb və parlament çoxluğunun timsalında hətta hakimiyyətdədir və Paşinyanı qarabaqara izləməklə onun büdrəməsini gözləyir.

Məhz bu reallığı əsas götürən bir sıra analitiklər hesab edirlər ki, Respublika Partiyası məhz parlamentdə çoxluqda olmasından istifadə edərək seçki məcəlləsinə dəyişikləkəri mümkünsüz edə, yaxud özü üçün daha əlverişli zamana kimi uzada bilər.

Sarkisyan hakimiyyətə qayıdır? - Qarabağ ABŞ-ın gündəliyində

 

"Özünü formal şəkildə müxalifət elan edən Respublika Partiyası başqa Serj Sərksiyan olmaqla parlamentdə yerlərin çoxunu əlində saxlayır və indiki baş nazir Nikol Paşinyanın dövründə də böyük siyasi güc olaraq qalır”. Musavat.com xəbər verir ki, bu sözləri "Vestnik Kavkaza” nəşrinə İrəvanın sabiq meri Vaaqn Xaçatryan deyib. 

Onun sözlərinə görə, bu üzdən istənilən yeni qanunverici aktı o öz səsləri ilə əngəlləyə bilər: "Odur ki, parlamentdə hər şey bu partiya qarşısında Serj Sərksiyanın hansı vəzifəni qoymasından asılı olacaq. Hələlik ona çalışacaqlar ki, Paşinyanın komandası daima onlarla razılığa gəlsin və istənilən məsələdə güzəştə getsin. Bununla da öz önəmlərini qabartmağa çalışacaqlar. Hərgah, xalq Paşinyanı dəstəkləyir, formal çoxluq yenə respublikaçılara məxsusdur”.

 

Keçmiş mer daha sonra deyib: "Respublika Partiyası Seçki Məcəlləsinə dəyişikliklərə mane olmayacağını bəyan edib. Amma mən buna inanmıram. Hamı başa düşür ki, seçki islahatlarından sonra respublikaçıların yeni seçkilərdə səs almaq şansları yoxdur. Ona görə də onlar islahatlara maksimum müqavimət göstərəcək, təkliflərin qəbul olunmasını uzatmağa çalışacaqlar. Sərkisyan da partiyada qalıb ki, partiya dağılmasın. Yəni birləşdirici rol oynayır. Onlar heç olmasa, bir neçə ay gözləməklə ümid edirlər ki, indiki hökumət çox duruş gətirməyəcək və xalq yenidən onlara yaxşı münasibət bəsləyəcək”.

Vaxtilə Paşinyanın təmsil olunduğu "Erməni Milli Konqresi” partiyasının sədr müavini Aram Manukyan öz növbəsində hesab edir ki, S.Sərksiyanın RP-nin başında durması formal qərardır və heç nəyə təsir eləmir: "RP-in parlamentdə yalnız zahiri şəkildə çoxluqdadır. Reallıqda isə o, parçalanmış kimidir. Bu partiyanın başında Sərkisyan olsa da, olmasa da, növbəti parlament seçkilərində yeni nəsil siyasətçilər qalib gələcək”.


*****

"Gözlənilmədən baş nazir olan Paşinyan parlamentdə Sərkisyanın partiyasının deputatlarının, yəni Qarabağ klanının səsinə möhtacdır”.

Bu sözləri isə beynəlxalq əlaqələr üzrə ekspert Elşən Mustafayev deyib (Axar.az). Onun qənaətincə, Paşinyanın hakimiyyəti çox kövrəkdir: "Səs çoxluğu ilə parlamentdə təmsil olunan RP istədiyi vaxt Paşinyanın qərarlarına səs verməyə bilər.

Bütün bunları bildiyindən, o, hazırda problemlə bağlı populist bəyanatlar verir, Qarabağa səfər edir, separatçı rejimin rəhbərləri ilə görüşlərdə aqressiv mövqe ortaya qoyur və s. Əgər Ermənistanda yeni parlament seçkiləri keçirilərsə və oradakı qüvvələr nisbəti indikindən fərqli olarsa, o zaman siyasətin dəyişib-dəyişməyəcəyi ilə bağlı daha rahat fikir bildirmək olar. Ancaq o zaman da Ermənistan hakimiyyətinin Qarabağ maraqlarından geri çəkiləcəyinə ümid edilməməlidir. Hakimiyyətdə kimin olmasından asılı olmayaraq, məcbur olmayana qədər heç kim güzəştə getmək, geri çəkilməklə bağlı düşünməyəcək”.

Politoloq bu xüsusda ehtimal edir ki, yaxın gələcəkdə Dağlıq Qarabağ problem ilə bağlı Ermənistan tərəfindən aparılan siyasətdə indiyə qədər olduğundan fərqli mövqe gözlənilmir: "Bu konflikt bizim üçün necə həssasdırsa, Ermənistanda da bir o qədər həssasdır. Zaman-zaman Ermənistanda müəyyən qrupların, əsgər analarının problemlə bağlı etirazlar bildirdiyini görmüşük. 

Amma onların bir hissəsi bu müharibənin Ermənistan üçün ziyanlı, perpektivsiz olduğunu bildirirsə, digər hissəsi də işğalın hüquqi cəhətdən sona çatdırılmamasına, Qarabağa müstəqillik alınmamasına görə narazılığını bildirir. Odur ki, Paşinyan ən azı, Sərkisyanın siyasətini davam etdirəcək. Ola bilsin ki, fərqli taktika və üsullar seçilsin, amma problemə yanaşmada bir yenilik hələ ki, olmayacaq”.

Ekspert məsələnin həlli ilə bağlı indiyədək ABŞ-ın, Avropa Birliyinin çoxsaylı çağırışlar eləməsinə də toxunub. "Mən bunları növbətçi bəyanatlar kimi dəyərləndirirəm. Tək Türkiyə bu məsələ ilə bağlı indiyədək əlindən gələn hər şeyi edib. Amma görünür ki, bu da yetərli deyil. Çünki ortada problemin müəllifi olan Rusiya var. Ermənistanın bu məsələdə geri çəkilməsi ya Rusiyanın təkidli tələbi ilə, ya da əlini onun üzərindən götürməsi ilə baş verə bilər. Bunun üzərində işləməklə problemin sülh yolu ilə həllinə nail olmaq olar. Eyni zamanda, məsələnin hərb yolu ilə həlli mövcuddur ki, bu da bizim üçün həmişə gündəmdə olmalıdır. Ərazisi işğala məruz qalan ölkə kimi bu yoldan istifadə etmək hüququmuz həmişə var”, - deyə o əlavə edib.

*****

"ABŞ Qarabağ konfliktinin sülh yolu ilə həlli yollarının axtarışına bağlı qalır”. Bu sözlər isə ABŞ Dövlət katibi Mayk Pompeonun Azərbaycan Xalq Cümhuriyyətinin yaranışının 100 illiyi bağlı yaydığı bəyanatında yer alıb.


"1991-ci ildə müstəqilliyinin bərpasından sonra Azərbaycan ABŞ üçün dəyərli tərəfdaşa çevrildi. Biz səbrsizliklə bizim çoxillik əməkdaşlığımızın davamını və təhlükəsizlik, energetika, demokratik idarəetmə sahəsində birgə fəaliyyətimizin dərinləşməsini gözləyirik. Biz həmçinin Dağlıq Qarabağ konfliktinin sülh yolu ilə həllinin axtarılmasına bağlı qalır və tərəfləri tez bir zamanda intensiv danışıqları yeniləməyə çağırırıq”, - deyə sənəddə bildirilir.

Xatırladaq ki, Pompeodan az öncə prezident Donald Tramp azərbaycanlı həmkarı İlham Əliyevə ünvanlandığı təbrik məktubunda qarşıdakı ayların Dağlıq Qarabağ məsələsi üçün yeni imkanlar açacağını bildirmişdi. 

Bütün bunlar o deməkdirmi ki, Qarabağ məsələsi ABŞ-ın gündəminə gəlir? Belədirsə, Ağ Ev Rusiya amilinin Qarabağ məsələsində, bütövlükdə regionda rolunu necə ciddiyə almaq niyyətindədir? Nəhayət, Tramp sələfi Barak Obamadan fərqli olaraq, bundan ötrü Azərbaycan və Ermənistan rəhbərlərini Vaşinqtona dəvət eləməyi planlaşdırırmı?

Siyasət şöbəsi - Y.M

Xəbər 3416 dəfə oxunub






Oxşar xəbərlər

Kosovo - Azərbaycan qarşılaşması final olacaq"
Yevlaxda mikroavtobus qəzaya uğrayıb, xəsarət alanlar var
AXCP sədri və üzvləri barədə toplanmış materiallar məhkəməyə göndəriləcək
DÜNYAYA TƏHLÜKƏ! ABŞ və Rusiyanın “kimyəvi hücum” mübahisəsi dərinləşir
Fazil Məmmədov Gəncə Beynəlxalq Hospitalına yatırılıb - Reabilitasiya
Azərbaycanlı miqrant Almaniyada azərbaycanlıları bıçaqladı
Qırğızıstanda vilayət prokuroru öldürüldü
Deputat: "Niyə vəzifədə olana yaltaqlanırıq, gedənə isə “balta çalırıq?
Azərbaycan yığması Farer adalarını məğlub edib
"305 erməni millətçisi barəsində cinayət işi açılıb "
Əli Kərimli bu gün məhkəməyə çıxarılacaq
Afinada qarşıdırma: 22 nəfər saxlanılıb
Benzin qalxdı: Aksiya başladı - 52 nəfər saxlandı, 106 yaralı var
Suriya ordusu İŞİD-in son istehkamını ələ keçirdi
Cəmil Həsənli polisdən buraxılıb, Əli Kərimli isə məhkəməyə aparılıb
İnqilabi yeniliklər: pensiya 35%, gəlir 48% artır
Əli Kərimli və Cəmil Həsənli saxlanıldı - Cəmil Həsənlinin halı pisləşdi- YENİLƏNİB
Kürdəxanıda yolu keçən piyadanı maşın vurdu
Abel Məhərrəmovu əvəzləyən İradə Əliyeva kimdir? - DOSYE
Oqtay Əsədov Türkiyəyə səfər edəcək
YÜKSƏK VƏZİFƏ TUTAN "ABEL MƏHƏRRƏMOV KLANI"
Azərbaycan Fransaya etiraz notası verib
DGK -nın kollegiyasının yeni tərkibini təsdiq edilib
Sabiq baş nazirin təhlili - MEYDAN VƏ QARABAĞ
Merkeldən etiraf: "Səhv elədim..."
Separatçı lider bu dəfə ABŞ-a getdi
"Yubiley medalı" haqqında əsasnamə təsdiqləndi - Foto
Cenifer Qətərdə 20 dəqiqəyə 2 milyon aldı - Foto
Prezident 1 fərman, 1 sərəncam imzaladı
Atasına şəfa diləyən iki uşaqdan Mehriban xanım Əliyevaya ürəkparçalayan MƏKTUB
Bakıda zibil yeşiyindən silah-sursat tapıldı
Novruz Məmmədovdan yeni qərar - Elmi mərkəz yaradılır
1988-ci ilin BU GÜNÜ VƏ 5 dekabr – müəmma dolu gün
CƏBHƏDƏN XƏBƏR: Atəşkəs 30 dəfə pozulub
Mübariz Mənsimovdan sərt sözlər: - "Bədbəxtlər, səviyyəsizlər"
Abel Məhərrəmovun səfir oğlu geri çağırılacaq
XİN-dən Norveç səfirliyi ilə bağlı sərt MÖVQE
Eldar Mahmudovun əmisi oğlunun həbs müddəti uzadıldı
ULDUZ FALI - 17 NOYABR
Azərbaycanlı kriminal avtoritetin ad gününə basqın edilib
17 NOYABR - Azərbaycanda Milli Dirçəliş Günüdür
Əxlaqsız FETÖ-çü əli qandallı Türkiyəyə gətirildi
Qurban Qurbanov: "Rəqibin sürprizlərinə hazır olacağıq"
Abeli bihuş edən və bitirən şərab - "ABEL MENDOZA"
Prezident Sumqayıtdan Bakıya qatarla gəldi - FOTO
“Siyasi əcəbsəndəl”, yoxsa Paşinyanın seçki siyahısı?
Rəmişin fanatı ustadına dil uzadanlara meydan oxudu
Sahil Babayevin müavini Mikayıl Cabbarovun müavini oldu - TƏYİNAT
Sədərək bazarındakı yanğın söndürülüb
Faiq Ağayev sabiq rektoru belə ələ saldı – FOTO
GDU-da kafedra müdirinə yazılan "DƏVƏTNAMƏ" və papaqla alın tərindəki xəcalət
Putinə qarşı hörmətsizlik: Yoxlanıldı, sonra da…
Fazil Mustafa replika atdı: "Kitab daşıyıram, şərab haramdır"
Vergilər Nazirliyinin səlahiyyətləri artırılır
Ramiz Rzayev hakimlərin sayının azlığından danışıb
Yasamalın sabiq icra başçısı Türkiyədə ürəyindən əməliyyat olunub
“Sədərək” bazarında yanğın - SON DƏQİQ
Abel Məhərrəmovu BDU-da kim əvəzləyir? -AÇIQLAMA
Məhərrəmovların Madriddəki şərab biznesi və son nitqi / VİDEO
Azərbaycan neftinin qiyməti 69 dollara yaxınlaşıb
Göyçayda mənşəyi məlum olmayan 500 kiloqram ət aşkarlanıb
"Piter Elçin" Rusiyaya qayıtdı - Xəlilov qardaşları Sankt-Peterburqdan qaçdı
Yevlaxda 17 yaşlı qız oğurlandı
"MEDERA HOSPİTAL" 1 milyon cərimə edildi (Özəl)
Abel Məhərrəmovu ispan şərabı, şeyxlə "razborka" və dikbaşlıq bitirib / SENSASİON
Abel Məhərrəmov vəzifəsindən AZAD EDİLDİ
QHT Şurası 2019-cu il birinci qrant müsabiqəsini elan etdi
Milli Məclisdə deputatlar arasında mübahisə düşdü
Eldar Əzizov rəsmən Bakı meri oldu – SƏRƏNCAM
Milli Məclisə ayrılan pulun məbləği ARTIRILIR

Bütün xəbərlər

2018-SARI İT BİZƏ NƏLƏR VƏD EDİR?
love HƏR ŞEY "İT" KİMİ OLACAQ
am DİNAMİK İNKİŞAFIMIZ DAVAM EDƏCƏK
lol HEÇ VECİMƏ DƏ DEYİL
tongue AZƏRBAYCANDAN BAŞ GÖTÜRÜB QAÇACAĞAM
crying TRAMP NEFTİN QİYMƏTİNİ QALDIRMAĞA NAİL OLACAQ
what QARABAĞI GERİ ALACAĞIQ
wink SƏN SAYDIĞINI SAY, GÖR Kİ, FƏLƏK NƏ SAYACAQ
recourse DOLLAR 2 MANATDAN BAHA OLACAQ
angry ACLIQ, YOXSULLUQ GƏLİR
tongue ALLAH BİLİR OLACAĞI...

«    Noyabr 2018    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
        Ünvan: Bakı şəhəri, Mətbuat prospekti, 529-cu məhəllə, Azərbaycan nəşriyyatı, 1-ci mərtəbə.
© Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Script time: [0.11671] initstartout [0.00013] initstartin [0.00057] calstart [0.00800] calend [0.00043] topnewsend [0.00357] rsssend [0.00000] ehgend [0.00557] tagsstart [0.00050] tag-initendin [0.00000] initendout [0.00000] weathend [0.00000] end [0.09790]