Fəttah Heydərov: " Biz ağsaqqallar əminik ki, İlham Əliyev.."
Ağsaqqallar
Şurası prezident seçkilərində İlham Əliyevin namizədliyinin dəstəklənməsinə həsr
olunmuş toplantı keçirib. Bu gün Azərbaycan Ağsaqqallar Şurası ölkədə
keçiriləcək prezident seçkilərində ölkə başçısı İlham Əliyevin namizədliyinin
dəstəklənməsinə həsr olunmuş iclas keçirilib. Tədbirdə çıxış edən Azərbaycan
Ağsaqqallar Şurasının sədri Fəttah Heydərov Azərbaycanda keçiriləcək prezident seçkisinin
vaxtının dəyişdirilməsinin tamamilə qanunauyğun olduğunu söyləyib: " Seçki
il ərzində istənilən vaxtda keçirilə bilər. Çünki, prezidentin səlahiyyətləri
bu il ərzində başa çatır. Ona görə də prezident seçkilərinin keçirilməsi barədə
qərar zamanında verilmiş qərardır. Burada qanunsuzluq axtarmağa lüzum yoxdur.
Azərbaycan artıq öz müstəqillik yolunu tutmuş, bu yolla uğurla irəliləyir. Ulu
öndər Heydər Əliyev Azərbaycanın əbədiyyata qədər müstəqilliyini təmin edən
bir yol müəyyənləşdirdi. Bu gün prezidentimiz İlham Əliyev bu yolu uğurla davam
etdirir. Liderlər, rəhbərlər bəzən elə siyasət yürüdür ki, onların siyasəti nəticəsində
ölkə üçün müharibə, fəlakət, qanlı-qadalı bir yoldan keçir. Amma bizim
prezidentimizin davam etdirdiyi uğurlu siyasətin nəticəsidir ki, bu gün Azərbaycan
inkişaf edir, ölkədə sabitlik hökm sürür. Biz əminik k, İlham Əliyev hələ uzun
müddət bu uğurlu yolu davam etdirəcək. Azərbaycanın dünya arenasında nüfuzunun
daha da artırılması üçün böyük, yorulmaz dövlət xadimi lazımdır. Bu keyfiyyətə,
bacarığa malik şəxs isə məhz İlham Əliyevdir. Ağsaqqallar seçimlərində
yanılmırlar. Bu onların həyat təcrübəsi ilə bağlıdır. Biz ağsaqqallar ölkənin gələcəkdəki
uğurunu, inkişafını İlham Əliyevin dövlətimizə başçılığında görürük. Azərbaycan
Ağsaqqallar Şurası xalqımızı bir daha prezident seçkilərində İlham Əliyevi dəstəkləməyə
dəvət edir. İlham Əliyevin gördüyü işlər göz qabağındadır. Ona görə də,
hesab edirik ki, prezident seçkilərində İlham Əliyevin alternativi yoxdur. Biz
İlham Əliyevə səs verməklə Azərbaycanın firavanlığına, stabilliyinə səs vermiş
olacağıq. Biz ağsaqqallar əminik ki, seçimimiz düzgündür". Daha sonra tədbirdə
Milli Məclisin Səhiyyə Komitəsinin sədri Əhliman Əmiraslanov çıxış edib. O,
bildirib ki, məhz ümummilli lider Heydər Əliyevin Prezident olması Azərbaycan
kimi dövlətin varlığına, mövcudlğuna səbəb yaradıb: "Ulu Öndərimiz Azərbaycanı
90-cı illərin əvvəllərində dərin siyasi və iqtisadi böhrandan çıxarıb. Bu gün
İlham Əliyev də həmin siyasi kursu uğurla davam etdirir. Azərbaycan
iqtisadiyyatı sürətlə inkişaf edir. Biz Azərbaycanın gələcəyi və rifahı
naminə dövlətimizin başçısı İlham Əliyevin namizədliyini dəstəkləyirik"
İclas müzakirələrlə davam etdirilib. İclasın sonunda Azərbaycan
Ağsaqqallar Şurasının qarşıdakı seçkilərdə İlham Əliyevin namizədliyini dəstəkləməsi
barədə qərar qəbul olunub.